Törek matbuğatına küzätü 8.07.2022
8nçe iyül' könne çıqqan qayber törek gazetlarına küzätü
“Vatan” gazetı Törkiyä belän Malayziyäneñ urtaq qararı turında yaza
Törkiyä ilbaşı Räcäp Tayyip Ärdoğan Malayziyä xökümäte räise İsmail Sabri Yakub belän bergä uzdırğan matbuğat cıyılışında bolay dip söyläde: “Azıq-tölek qurqınıçzılığı, ênergetika, êkologiya häm klimat üzgärü şikelle zamanıbıznıñ kön tärtibendäge problemalarına qarşı bergäläşep köräşüne arttırırğa kileştek. Cirle vakśinabız Turkovaknıñ Malayziyädä qullanılışqa täq’dim itelüen dä kertep bergä vakśina yasaw öçen êşçänlek başlarğa uylıybız”.
“Yenişafak” gazetı “AQŞ Bayraktar TB2lärneñ kopiyäsen yasadı” dip citkerä.
Kaliforniyädäge “Edje Avtonomi” şirkäte, äyterseñ Bayraktar TB2neñ keçkenä kopiyäse bulğan, “Pingvin” isemle dron yasap çığardı. Alar älege apparatnı AQŞ armiyäse öçen belderelmägän sanda citeşterü öçen kileşü tözülären citkergän waqıtta “Pingvin”narnıñ Bayraktar TB2 belän oxşaşlığı iğ’tibarnı cälep itte.
“Hürriyet” gazetı ministr Dönmäzneñ “358 metrda neft’ taptıq” dip söyençe urtaqlaşuın citkerä
Ênergetika häm qazılma baylıqlar ministrı Fatix Dönmäz Adana töbägendä neft’ tabılğan cirlektä buldı. “Töbäktäge neft’ rezervı 7 yarım-8 million barrel’. “Çukurovada 2”dä 358 metr tiränlektä neft’ taptıq häm bu rekord,”-dide ul.
“Star” gazetı Törkiyä belän İzrailneñ tarixi kileşüe turında yaza.
Törkiyä belän İzrail arasında 1951nçe yıldan birle täwge tapqır aviaśiyä kileşüe imzalandı. Anıñ nigezendä İzrail hawa yulı şirkätläre Törkiyädäge qayber noqtalarğa oçışlar yasıy alaçaq.
“Sabah” gazetı “Törkiyäneñ urman çikläwegen yılnıñ berençe yartısında 124 il aldı” dip xäbär itä.
Törkiyä ağımdağı yılnıñ 6 ayında 149 meñ 701 tonna urman çikläwege êksportladı. Annan 835 million dollardan artıq kerem alındı. İñ küp satıp aluçı däwlät - Germaniyä.
