Törek matbuğatına küzätü 26.04.2022

“Sabah” gazetı yazğança Törkiyä ilbaşı Räcäp Tayyip Ärdoğan Amerika Quşma Ştatları däwlät başlığı Djo Baydennıñ 1915nçe yılğı waqıyğalar belän bäyle açıqlawına reakŝiya belderep: “Xörmätle Baydennıñ ärmännär belän bulğan tarixnı bik yaxşı öyränüe, belüe kiräk. Bolarnı belmiçä Törkiyägä qarşı toruın kiçerä almıybız,” – dide.

“Xörriyät” basması beldergänçä Törkiyä ilbaşı Räcäp Tayyip Ärdoğan Berläşkän Millätlär Oyışması ğomüm särqätibe Antonio Guterreş belän küreşep söyläşte. Söyläşüdä Rusiyä-Ukraina suğışı quzğatıldı, Guterreş Ärdoğanğa tırışlıqları öçen räxmäten belderde.

“Xäbär türk” gazetı citkergänçä Törkiyäneñ tışqı êşlär ministrı Mäwlüt Çavuşoğlu Braziliyağa räsmi säfär belän kitte. Bu ilneñ Törkiyäneñ Latin Amerikadağı iñ zur partnyerı buluın äytkän ministr Çavuşoğlu bu qısada turizm ölkäsendäge xezmättäşlekne arttırırğa teläwlären açıqladı.

“Star” basması xäbärenä kürä Törkiyäneñ saqlanu ministrı Xulusi Akar Pençe Kilit operaŝiyasendä bügengä qadär 56 terrorçınıñ täêsirsez xälgä kiterelüen äytep: “Operaŝiyabez uñış belän planlanğança däwam itä. Operaŝiyabez uñışlı räweştä tämamlanğaç çik buyın terrorçılar öçen yabıp quyaçabız, ilebezgä kerä almayaçaqlar,” – dide.

“Yeni Şafak” gazetı yazğança “Gaming in Turkey” uyın häm êsport agentlığı yuğarı däräcäle citäkçese Ozan Aydämir “Gaming in Turkey” bastırğan “Törkiyä uyın tarmağı 2021” xisabı belän bäyle belderü yasadı. Aydämir citkergänçä Törkiyäneñ uyın tarmağındağı öleşe 1 milliard 200 million dollarğa kütärelde, didjital’ uyınçı sanı da 42 million buldı.