Törek matbuğatına küzätü 22.04.2022

“Xörriyät” gazetı yazğança Törkiyä ilbaşı Räcäp Tayyip Ärdoğan Törkiyäneñ Kovid-19 kizüe çorında vakŝinağa berençe itep ireşkän sanaulı illär arasında buluın, şul uq vaqıtta üz cirle vakŝinası Turkovaknı yasap, dön’yadağı wazğıyäten tağın nığıtuın äytte. “Turkovak dön’yanıñ törle poçmaqlarındağı millionnarça keşegä şifa bulıp tora,” – dide ul.

“Sabah” basması beldergänçä Ğıyraqnıñ tön’yağında separatist PKK terror oyışmasına qarşı oyıştırıluçı Pençe Kilit operaŝiyase belän terror oyışmasın poçmaqqa qıstırğan Törek qorallı köçläre alğa barırğa däwam itä. Çirattağı maqsat - oyışmanıñ güyä ştabı bulğan Kandil belän Gara töbäkläre.

“Xäbär türk” gazetı citkergänçä Törkiyäneñ saqlanu ministrı Xulusi Akar PKKğa qarşı oyıştırıluçı Pençe Kilit operaŝiyase maqsatınıñ terrorçılıqnı tamırınnan yuq itü buluın belderde. “Ğıyraq belän ber rättän barlıq kürşelärebezneñ cir bötenlege, bäysezlege häm möstäqıyl’legenä xörmät kürsätäbez,” – dide ministr.

“Yeni Şafak” basması xäbär itkänçä Törkiyäneñ tışqı êşlär ministrlığı süzçese Tanju Bilgiç Pençe Kilit operaŝiyase belän bäyle bularaq Ğıyraq xökümäte tarafınnan yasalğan açıqlawlardan toyılğan tınıçsızlıq mäs’äläsendä Ğıyraqnıñ Änkaradağı ilçe êşlärenä qarawçı wäkilgä notanıñ birelüen açıqladı. Süzçe: “Ğıyraqtan kötkännärebez ministrlığıbızğa çaqırılğan ilçe wäkilenä citkerelde häm qaraşlarıbıznı üz êçenä aluçı nota birelde,” – dide.

“Star” gazetı yazğança yaña texnologiyaläre belän Törkiyäneñ köçenä köç östäwçe Bayraktarnıñ “Qızıl alma” xärbi keşesez oçqıç sistemasın bar dön’ya yaqınnan küzätep bara. “Cube Software” tarafınnan yasalğan “Modern Warships” isemle uyınnıñ yaña versiyasendä Bayraktarnıñ “Qızıl alma” sisteması da urın aldı. Tübän radiolokaŝion bilgelelek yärdämendä awır vazifalarnı uñışlı räweştä başqara alaçaq. 5 sägät’ hawada tora alaçaq “Qızıl alma”nı berençe tapqır 2023nçe yılda oçırtıp qaraw planlana.