Törek matbuğatına küzätü 12.04.2022

“Hürriyet” gazetı Törkiyӓ tışqı êşlӓr ministrlığınıň İzrailne ğayeplӓwe turında yaza. Törkiyä Yordannıñ basıp alınğan könbatış üzänlegendäge Bäytullaxim şähärendӓ fälästinle xatın-qıznıñ İzrail köçläre tarafınnan hiç kisätep tormıyça atıp üterelüen ğayepläde.

”Sabah” gazetı citkergӓnçӓ, Paqıstannıň 23 nçe prem’yer-ministrı itep saylanğan Şaxbaz Şӓrif Törkiyӓ belӓn Paqıstannıň ayırılğısız bӓylӓneşlӓre buluın hӓm Ӓnkaranıň hӓrwaqıt İslamabad yanında toruın belderde.

”Yeni Şafak” gazetı ênergetika hӓm tabiği çığanaqlar ministrı Fatix Dönmӓzneň “Törkiyӓneň êlektr ênergiyӓsenӓ urnaştırılğan köçe 100 meň megavattan artıp kitte” digӓn süzlӓren uquçıları belӓn urtaqlaşa.

”Haber Türk” basması xӓbӓr itkӓnçӓ, Törkiyӓneň Awrupa Berlege illӓrenӓ êksportı bıyılnıň berence kvartalında uzğan yılnıň şul uq çorı belӓn çağıştırğanda 21%qa artıp 23 milliard 780 million 323 meň dollar tӓşkil itte. Awrupa Berlege illӓrenӓ iň küp avtomobil’ sӓnӓğӓte, ӓzer kiyem-salım, ximik maddӓlӓr hӓm êşlӓnmӓlӓr, timer hӓm başqa metallar, qorıç êksportı başqarıldı.

 “Star” gazetı “Zӓňgӓr Watan-2022” xӓrbi künegülӓre turında yaza. Törkiyӓ diňgez köçlӓre komandirlığınıň künegülӓre 122 köymӓ hӓm 41 oçqıç qatnaşında Ӓgӓy diňgezendӓ, Qara diňgezdӓ hӓm Könçığış Urta diňgezdӓ ber ük waqıtta ütkӓrelӓçӓk. 12 meň personal qatnaşaçaq künegülӓrdӓ milli qorallar hӓm sistemalar qullanılaçaq.