Törek matbuğatına küzätü 7.4.2022

“Xörriyät” gazetı yazğança Türkiye ilbaşı Räcäp Tayyip Ärdoğan kiçä açıqlaw yasap, ilne terrorçılıqtan bötenläy diyärlek çistartuların äytte. Ärdoğan Türkiyeneñ monnan soñ boralaq êksportı başqara aluın häm bu qısada Filippinnarğa ATAK boralağınıñ tapşırıluın xäterlätep uzdı.

“Sabah” basması Türkiye tışqı êşlär ministrı Mäwlüt Çavuşoğlunıñ süzlären uquçıları belän urtaqlaşa: “Rusiyä häm Ukraina arasında tağın daküp söyläşü häm kileşüne başlatu öçen Tışqı êşlär ministrları cıyılışların kötäbez.”

“Star” gazetı beldergänçä Türkiyeneñ êçke êşlär ministrı Söläyman Soylu kiçä İtaliya êçke eşlär ministrı Lusiana Lamorges häm yanındağı wäkillek belän küreşte. Ministr Lamorges: “Şaqtıy tarmaqta xezmättäşlek başqardıq, barlıq gumanitar mäs’älälärdä dä küptännän bergä êş başqarabız. Türkiye bezneñ öçen dus il bulıp tora,” – dide.

“Yeni Şafak” basması xäbärenä kürä Türkiyeneñ Avtomobil’ oyışması törkeme soŝial’ mediada kiçä tübändäge açıqlawnı yasadı: “Gemlik rayonındağı qorılmabızda 1,6 çaqrımlıq test yulı tämamlandı. Yuğarı tizlek, naçar yul, manevr kebek törle ixtıyaclar belän äzerlängän yul avtomobil’ sıyfatların üsterü häm tikşerü öçen qullanılaçaq.”

“Xäbär türk” gazetı yazğança Türkiyeneñ taw sänägäte êşlänmäläre êksportı bu yılnıñ berençe çiregendä 2021nçe yılnıñ şul uq çorına kürä 25,9%ka artıp 1 milliard 527 million 312 meñ dollarğa kütärelde.