Törek matbuğatına küzätü 23.3.2022
Qayber törek basmalarına küzätü
“Xörriyät” gazetı yazğança Törkiyä ilbaşı Räcäp Tayyip Ärdoğan kiçä kiçä açıqlaw yasap, Rusiyä häm Ukraina arasındağı suğışnıň berdänber çişeleş yulınıň diplomatiya buluın assızıqladı.
“Xäbär türk” basması Törkiyä tışqı êşlär ministrı Mäwlüt Çavuşoğlunıň kiçä İslam xezmättäşlek oyışmasınıň 48nçe Tışqı êşlär ministrları şurası cıyılışı utırışında äytkän süzlärenä urın birä: “Ömmät bularaq berböten bulsaq, qarşıbızdağı barlıq kirtälärne uzarbız.”
“Star” gazetı beldergänçä milli mömkinleklär belän yasalğan AKYA torpedası “Preveze” su astı köymäsennän milli atu sisteması MÜREN belän kiçä berençe tapqır ırğıtıldı. Törkiyäneň saqlanu ministrı Xulusi Akar qullanğan cirle sistema bilgelängän maqsatnı uňışlı räweştä yuqqa çığardı.
“Sabah” gazetı xäbärenä kürä Ênergetika häm tabiğıy çığanaqlar ministrı Fatix Dönmäz “Yavuz” zondaj köymäseneň 4nçe aprel’da Qara dingezdä bik kritik wazıyfağa kereşäçägen belderde.
“Yeni Şafak” basması citkergänçä Törkiyädän ğıynwar-fevral’ aylarında 36ilgä 7 million 131 meň 895 dollarlık bal satıldı.
