Törek matbuğatına küzätü 15.03.2022

“Star” gazetı  ilbaşı Ärdoğannıñ süzläre belän “Kileştek” dip yaza.

Törkiyä ilbaşı Räcäp Tayyip Ärdoğan Germaniyä kanślerı Olaf Şol’ś belän urtaq matbuğat cıyılışında Rusiyä –Ukraina suğışı turında: “Awrupa iminlege öçen çaralar kürgän arada çişeleş öçen diplomatik tırışlıqlarnı tizlätü mäs’äläsendä dä kileştek” dide. Şol’ś ta: “Ärdoğan belän bez höcümnär turındağı borçular mäs’äläsendä urtaq fikerdä. Tiz arada utnı tuqtatu kileşüen täêmin itü kiräklegendä dä berdäy uylıybız,”-dip belderde.  

“Hürriyet” gazetı Kulebanıñ Törkiyägä räxmät belderüe turında yaza.

Törkiyä tışqı êşlär ministrı Mäwlet Çavuşoğlu ukrainalı wazıyfadaşı Dimitro Kuleba belän telefonnan söyläşte. Şunnan soñ Kuleba Twitterda “Bu awır çorda teläktäşlek kürsätüe öçen Törkiyägä räxmät” dip yazdı.

“Sabah” gazetı AQŞtan kiläçäk delegaśiyä xaqında citkerä.

AQŞnıñ Änkaradağı ilçese Djeffri Fleyknıñ Rusiyädän çığarğa äzerlänüçe 5 meñ amerikalı firmağa Törkiyägä kitärgä quşuı turındağı xäbärlärdän soñ AQŞ säwdä palatası räise urınbasarı Mayron Brilliant bu atnada Änkarağa kiläçäk.

 “Habertürk” gazetı “Törkiyäneñ täwge tank êksportı tögällände” dip yaza.

FNSS ğomum mödire Nail Kurt İndoneziya öçen êşläp çığarılğan Kaplan MT tankın tapşırunıñ başlanuın häm proyektnıñ täwge paketınıñ bıyıl tämamlanaçağın belderde.

“Yenişafak” gazetı Törkiyäneñ avtomobile turında soñğı xäbärlärne citkerä.

Cirle avtomobil’ TOGGnıñ sośial’ media akkauntınnan yasalğan belderüdä “Êksgibitornıñ 2 meñ 300 qatnaşuçısı arasınnan namzät bularaq kürsätkän iñ yaxşı 20 marka isemlegendä 6nçı urınğa kerdek” diyelä.