Төрeк мaтбугaтынa күзәтү - Törek matbuğatına küzätü 03.03.2022

“Star” gazetı: "Çälik: “Törkiyä diplomatik yaqtan töp il"

“Ğadälät häm qalqınu” partiyası süzçese Ömär Çälik: "Ukrainağa höcüm ğadelsez häm xoquqsız. İlbaşıbıznıñ Ukraina krizisı belän bäyle êşçänlege bar. Utnı tuqtatunıñ täêmin itelüe öçen söyläşülär alıp barıla. Törkiyä diplomatik yaqtan töp il”, - dip äytte.

“Yäni Şafak” gazetı: "THY Törek hawa yulları iğ’lan itte: Ukrainadağı törek watandaşları öçen êvakuaśiya säfärläre"

Ukraina hawa kiñlegeneñ yabıq buluı arqasında cir östennän Rumıniya başqalası Buxarestqa alıp kiterelgän törek watandaşları Törek hawa yullarınıñ êvakuaśiya säfärläre belän Törkiyägä alıp kiterelä.

“Xörriyät” gazetı: "Yevrovideniye berençese Ukrainalı Jamaladan Törkiyägä räxmät süzläre"

2016nçı yılda Yevrovideniye berençese bulğan qırım tatar cırçısı Jamala ike balası belän bergä Ukrainadan İstanbulğa kilep sıyındı. Matbuğat belderüen yasawçı Jamala, İlbaşı Räcäp Tayyip Ärdoğanğa räxmätlären citkerep: “Bezne töreklär qotqardı, İstanbuldan Rumıniya çik buyına qadär kilep bezne isän-saw İstanbulğa citkerdelär”, - dip äytte.

“Sabah” gazetı: "Çavuşoğlu: “Süriyälelärneñ qaytuı mäs’äläsendä bergä êşlibez”"

Tışqı êşlär ministrı Mäwlüt Çavuşoğlu Yordaniya Baş ministr urınbasarı, tışqı êşlär häm çit illärdä yäşäwçe yordaniyalılar ministrı Ayman Safadi belän ütkärgän söyläşüennän soñ: "Süriyälelärneñ üzixtıyarıy häm qurqınıçsız räweştä qaytuı mäs’äläsendä bergä êşlibez. Bu mäs’älädä ministrlar däräcäsendäge konferenśiyäneñ dä Törkiyädä ütkärelüen telibez”, - dip äytte.

“Watan” gazetı: "Ministr Muş: “Böten waqıtlarnıñ iñ yuğarısı”"

Säwdä ministrı Mäxmät Muş: "Êksportıbız uzğan yılnıñ fevral’ ayına qarağanda 25,4% külämendä artu belän 20 milliard dollar buldı. Bu kürsätkeç böten waqıtlarnıñ iñ yuğarı fevral’ ayı êksport sannarı”, - dip äytte.