Törek matbuğatına küzätü 28.02.2022
28nçe fevral' könne çıqqan qayber törek gazetlarına küzätü
“Yeni Şafak” gazetı “Bez söyläşü qararına bik qanäğat’ dip yaza
Tışqı êşlär ministrı Mäwlet Çavuşoğlu Mäskäw belän Kiyev kiyerenkelegenä qarata yasağan belderüendä ike yaqtağı wazıyfadaşları belän dä fiker alışuın citkerde. “Rusiyä belän Ukrainanıñ söyläşergä qarar qıluına bez bik qanäğat’,”-dide ul.
“Vatan” gazetı Törkiyäneñ Montrö kileşüe xaqında belderüen citkerä.
Tışqı êşlär ministrı Mäwlet Çavuşoğlu bolay dide: “ Diñgez yarı bulğan häm bulmağan däwlätlärneñ xärbi korablarınıñ Bosfordan ütüen Montrö kileşüe köyli. Törkiyä bügengä qadär anı tulısınça ütäde. Bu şartlarda Montrö konvenśiyäsen ğamälgä aşıraçaqbız. Xäzer bu suğışqa äwerelde. Bu xärbi xäräkät tügel, çınlıqta suğış xäle bar”.
“Star” gazetı ''Bayraktar TB2 bezneñ öçen mömkinlek” dip yaza
Rusiya höcüme astındağı Ukrainanıñ iñ yäş’ deputatı 26 yäş’lek Svyatoslav Yuraş başqala Kiyevnı saqlaw öçen qorallanıp uramğa çıqtı. Ul qullarında Bayraktar keşesez hawa apparatları buluın äytä. “Bu - dön’yadağı iñ zur armiyägä qarşı toru mömkinlegebez öçen iñ nıq ixtiyacıbız bulğan närsä,”-di Yuraş.
“Hürriyet” gazetı 5 däwlätneñ çigendäge êvakuaśiyä ştabları xaqında xäbär itä.
Törkiyä Ukrainanıñ törle şähärlärennän qorı cir yulı belän êvakuaśiyä başladı. Ukraina belän çiktäş 5 däwlätneñ qapqalarında törek watandaşlarınıñ ütüendä problema çıqmasın öçen diplomatik berämleklär aktivlaştırıldı.
“Habertürk” gazetı Törek hawa yullarınıñ östämä säfärlär planlaştıruın citkerä.
Şirkätneñ ğomum mödire Bilal Êkşi Ukraina kürşese däwlätlärdäge yulçı taläplären küzätep baruların, ixtiyacğa qarap zurraq oçqıç cibärülären häm östämä säfär oyıştıruların belderde.
Bäyläneşle xäbärlär
Törek matbuğatına küzätü 13.06.2024
13 nçe iyün’ könne basılıp çıqqan qayber törek gazetlarına küzatü