Төрeк мaтбугaтынa күзәтү - Törek matbuğatına küzätü 25.02.2022

“Xörriyät” gazetı: "İlbaşı Ärdoğan: “Rusiyäneň xäräkäte qabul itelmäslek”"

İlbaşı Räcäp Tayyip Ärdoğan Rusiyäneň Ukraina cirlärendä başlatqan xäräkätneň qabul itelmäslek buluın häm kire qağuların belderde. Ärdoğan: "Bez xalıqara xoquqqa tiskäre dip kürgän bu adım töbäk tınıçlığına, xozurına häm totrıqlılığına qarşı köç qullanu ul”, - dip äytte.

“Sabah” gazetı: "Tışqı êşlär ministrlığınnan Rusiyä belderüe"

Tışqı êşlär ministrlığı, Rusiyäneň Ukrainağa xärbi qatışuınıň qabul itelmäslek buluına basım yasap, Rusiyä Federaśiyasın şuşı xaqsız häm xoquqsız ğamälen iň tiz waqıtta tuqtatırğa çaqırdı.

“Xäbär Türk” gazetı: "“Aq” partiya süzçese Çäliktän Montrö belderüe"

“Ğadälät häm qalqınu” partiyası süzçese Ömär Çälik Rusiyä-Ukraina krizisı belän bäyle bularaq: "Montrö kileşüeneň obyektiv xökemnären Törkiyä anıq räweştä qullanaçaq. Törkiyäneň telägenä bäyle mäs’älälärdä Törkiyä suğışnı arttıruçı, bäreleşlärne kiňäytüçe, bu kiyerenkelekne tağın da kübäytüçe mäs’älälärdä täq’dir xoquqın tınıçlıq faydasına qullanaçaq”, - dip äytte.

“Yäni Şafak” gazetı: "Ukraina qorallı köçlärennän “Bayraktar TB2”gä maxsus iğ’tibar"

Ukraina Ğomum ştab räislege Rusiyä xärbi berlekläreneň höcümnärenä qarşı Ukraina qorallı köçläre qaramağındağı “Bayraktar TB2” keşesez qorallı hawa apparatlarınıň aktiv räweştä qullanıluın belderde. Putivl töbägendäge Rusiyä tanklarınıň höcümeneň totqarlanıluı citkerelde.

“Star” gazetı: "Törkiyä häm Ärmänstan kileşte"

Tışqı êşlär ministrlığı Törkiyä häm Ärmänstannıň mönäsäbätlärneň tulısınça cayğa salınuın maqsat itkän söyläşülärne alşart bulmıyça däwam itterü mäs’äläsendäge kileşülären raslawların belderde.