Төрeк мaтбугaтынa күзәтү - Törek matbuğatına küzätü 24.02.2022
24нчe февральдә бaсылып чыккaн кaйбeр төрeк гaзeтлaрынa күзәтү / 24nçe fevraldä basılıp çıqqan qayber törek gazetlarına küzätü
“Yäni Şafak” gazetı: “Putin boyırığınnan soñ Donbassta xärbi xäräkät başlandı”
Rusiyä-Ukraina krizisında kötelgän okkupaśiya omtılışı başlandı. Rusiyä İlbaşı Vladimir Putin Ukrainanıñ könçığışındağı Donbassta maxsus xärbi operaśiya başlatuların iğ’lan itte.
“Xäbär Türk” gazetı:”Ukraina liderınnan berençe belderü: “Bez üz-üzebezne yaqlayaçaqbız, höcüm itmäyäçäkbez””
Ukraina İlbaşı Volodimir Zelenskiy Rusiyäneñ Donbass töbägenä başlatqan xärbi operaśiya turında: "Ägär canıbızğa, iregebezgä, balalarıbızğa höcüm itelsä, bez üz-üzebezne yaqlayaçaqbız, höcüm itmäyäçäkbez”, - dip äytte.
“Xörriyät” gazetı: “THY Törek hawa yullarınnan belderü! Ukraina oçışları tuqtatıldı”
Törek hawa yulları (THY) Ğomum mödire Bilal Äkşi: "Ukraina hawa kiñlegeneñ yabıluı arqasında bügenge böten Ukraina säfärlärebez ğamäldän çığarıldı”, - dip belderde.
“Star” gazetı: “Ärdoğannıñ 40 säfären yaqtırttılar”
Franśuz säyäsät häm xäbär jurnalı “Le Point” İlbaşı Räcäp Tayyip Ärdoğannıñ Afrika säfärlärenä bağışlanğan mäqalä bastırdı. Mäqalädä Ärdoğannıñ 2005nçe yıldan birle baş ministr häm däwlät başlığı bularaq Afrikağa yaqınça qırıq tapqır säfär yasawına iğ’tibar yünältelep, Afrika qıytğası belän säwdä külämeneñ 2 milliardtan 25 milliard dollarğa citüe belderelde.
“Sabah” gazetı: “Törkiyädän Greśiyağa nota”
Tışqı êşlär ministrlığı kiçä grek yar buyı iminlegeneñ törek watandaşların yaralağan waqıyğa belän bäyle bularaq Greśiyanıñ Änkaradağı ilçelek kiñäşçesen çaqırtıp, üzenä protest notasın tapşırdı.
Bäyläneşle xäbärlär
Törek matbuğatına küzätü 13.06.2024
13 nçe iyün’ könne basılıp çıqqan qayber törek gazetlarına küzatü
