Төрeк мaтбугaтынa күзәтү - Törek matbuğatına küzätü 23.02.2022
23нчe февральдә бaсылып чыккaн кaйбeр төрeк гaзeтлaрынa күзәтү / 23nçe fevraldä basılıp çıqqan qayber törek gazetlarına küzätü
“Watan” gazetı: “Ärdoğan: “Rusiyäneñ qararın qabul itelmäslek itep bäyälibez””
İlbaşı Räcäp Tayyip Ärdoğan Rusiyäneñ Doneśk häm Lugansk töbäklären tanuınıñ Ukrainanıñ cir bötenlegen açıq räweştä bozu buluın äytte. Mäs’älä belän bäyle berençe bäyäläwen Afrika säfäre waqıtında yasawçı Ärdoğan: “Bez Rusiyäneñ bu qararın qabul itelmäslek itep bäyälibez”, - dip äytte.
“Xäbär Türk” gazetı: “Ärdoğan Zelenskiy belän söyläşte”
İlbaşı Ärdoğan Ukraina Däwlät başlığı Vladimir Zelenskiy belän telefonnan söyläşte. Ärdoğan häm Zelenskiyneñ söyläşüendä Rusiyäneñ Donbasstağı tanu qararı quzğatıldı. Ärdoğan söyläşü waqıtında Ukrainanıñ cir bötenlegen nişan itep alğan härtörle qararğa qarşı torularına basım yasadı.
“Xörriyät” gazetı: “Törek şirkäte tözegän Senegal stadionı açıldı”
Senegalda törek şirkäte tarafınnan salınğan 50 meñ keşelek Senegal stadionı İlbaşı Ärdoğan da qatnaşqan tantana belän xezmätkä açıldı. Xalıqara futbol federaśiyası berlege başlığı Gianni Infantino stadionnı tözegän firma räsmilärenä törekçä räxmät äytte.
“Star” gazetı: “Qazaqstan: “Törkiyä härwaqıt bezneñ belän buldı””
Qazaqstannıñ İstanbul baş konsulı Alim Bayel: “Törkiyä belän 1991nçe yıldan birle ike yaqlı mönäsäbätlärebez bik köçle räweştä däwam itä. Törkiyä härwaqıt bezneñ belän bergä buldı. Monnan soñ da härwaqıt bezneñ belän bergä bulırğa däwam itäçäk”, - dip äytte. Bayel: “Bigräk tä soñğı yıllarda transport, mädäniyät, mäğarif, iq’tisad, iminlek kebek şaqtıy ölkädä xezmättäşlegebez tağın da zurraq êtärgeç aldı”, - dip belderde.
“Yäni Şafak” gazetı: “”Xörqoş”nıñ yaña xärbi variantı kilä”
Öyränü oçqıçı “Xör qoş”nıñ yaña xärbi variantı “hawa cir integraśiyası oçqıçı”nıñ tip sertifikatı êşçänlege tämamlandı. Böten êşçänlekneñ tögällänüen kürsätüçe dokument bulğan tip sertifikatı bilgelängän çaqta 540 säğät oçış başqarıldı. Proyıkt belän hawa köçläreneñ töp häm aldınğı yaña buın turbovintlı öyränü oçqıçı ixtiyacınıñ qanäğätländerelüe maqsat itelä.
