Törek matbuğatına küzätü 21.2.2022

“Xörriyät” gazetı: “Ministr Xulusi Akar açıqlawlar yasadı”

Milli saqlanu ministrı Xulusi Akar Ukraina-Rusiyä kiyerenkelegen yaqınnan küzätep baruların belderde. Akar: “Xärbi xäräkätneñ qayber täêsirläre bar. Bu mäs’älädä matbuğatta çıqqan xäbärlär bar. Bolarnı saqlıq belän bäyälärgä kiräk,” – dide.

“Star” basması: “Zelenskiy Törkiyäneñ dä urın aluın teläde”

Ukraina ilbaşı Vladimir Zelenskiy: “Kiläse könnärdä Awrupadağı iminlek problemaların qarar öçen Ukraina, Germaniya häm Törkiyä qatnaşında Berläşkän Millätlär Oyışması İminlek Şurası äğzaläre arasında oçraşunıñ ütkärelüen täqdim itäm,” – dide.

“Watan” gazetı: “Ärsin Tatardan Grek töbägenä reakŝiya: Bu qabul itelmäslek”

Kiçä ber televideniye kanalında açıqlaw yasağan Tön’yaq Kipr Törek Cömhüriyäte ilbaşı Ärsin Tatar utrawda ruxanilarğa qoral belemen birü kiyerenkelege belän bäyle bularaq: “Bu qabul itelmäslek. Monı açıp salu urınlı buldı,” – dide.

“Yeni Şafak” basması: “Ministr Dönmez könne açıqladı: 10 milliard m3 ğa ireşeläçäk”

Ênergetika häm tabiğıy çığanaqlar ministrı Fatix Dönmez Silivri häm Toz küle cir astı tabiğıy gaz depolaw qorılmalarınıñ sıydırışlığın arttıru êşçänlekläreneñ tämamlanuı belän kiläse yılnı ike qorılma sıydırışlığınıñ 10 milliard m3 ğa ireşäçägen belderde.

“Haber türk” gazetı: “Hisar Hawa saqlanu sistemasına yaña mömkinlek”

İlbaşı idaräseneñ Saqlanu sänägäte başlığı İsmail Demir kiçä soŝial’ media akkauntınnan açıqlaw yasap: “HİSAR 2022nçe yılnı tizlek belän başlap cibärde. HİSAR O+ sistemasınıñ berençe radio yışlıqlı, êzläwçe raketanı sınap qaraw atışında maqsat yuqqa çığarıldı häm hawa saqlanuıbızğa yaña sälät östälde,” – dide.