Törek matbuğatına küzätü 01.02.2022
1 nçe fevral' könne basılıp çıqqan qayber törek gazetlarına küzätü
”Hürriyet” gazetı ilbaşı Räcäp Tayyip Ärdoğannıň “Törkiyä kiläçäkkä ışanıç belän qarıy” digän süzlären alğı planğa çığara. Ärdoğan äytüençä, alğa kitkän illärneň kübese Kovid -19 êpidemiyäsendä uňışsızlıqqa oçradı, Törkiyä isä üz tarixında iň zur citeşterü häm êksportqa ireşte.”Törkiyä xäzer xälitkeç illärneň bersenä äwerelde. Bez xäzer kiläçäkkä ışanıç, ömet täwäkkällek belän qarıybız” dide ilbaşı Ärdoğan.
”Star” gazetı yazğança, Tön’yaq Kipr Törek Cömhüriyäte ilbaşı Êrsin Tatar “Törkiyä kiläçäktä Könçığış Urta diňgezdä üz süzen äytä alaçaq iň zur potenśialğa iyä il. Törkiyä qatnaşmağan mäs’älälärdä tınıçlıqnı saqlap qalu mömkin tügel. Şuňa kürä Törkiyä härwaqıt Könçığş Urta diňgezdä bulaçaq” dide.
”Vatan” gazetı “Küp sanda il Törkiyäneň keşesez hawa apparatların alırğa teli” dip yaza. Törkiyä saqlanu sänäğäte başlığı İsmail Dämir dus häm berlektäş illär inventar’larında urın alğan Törkiyä saqlanu sänäğäte êşlänmäläreneň dön’yanıň törle poçmaqlarına êksportlanuın , Törkiyäneň qorallı keşesez hawa apparatlarınıň uyın üzgärtü konśepśiyäseneň dön’ya kön tärtibenä kerüen belderde. “Saqlanu sänäğäte êşlänmälärebezne satıp aluçı illär sanı 170 kä, êksportlanğan êşlänmä sanı 228 gä citte” dide İsmail Dämir.
”Haber Türk” gazetı xäbär itkänçä, Törkiyä 2021 nçe yılda 30 million 38 meň 961 keşene qabul itte. Bu isä annan êlekke yıl belän çağıştırğanda 88,08%qa kübräk. 2021 nçe ylda Törkiyäneň turizm kereme 103,02%qa artıp 24 milliard 482 million 332 meň dollarğa citte.
”Sabah” gazetı Törkiyä dön’yanıň citeşterü bazası bulaçaq dip yaza. İlbaşı idaräse häm sänäğät’ ministrlığı yaňa iq’tisadi programmanıň citeşterü öleşen tağın da nığıtu, Törkiyäne dön’yadağı iň êre citeşterü bazalarınıň berse itü öçen möhim êşçänlek başlap cibärde. Äzerlängän qanun proyektı belän Törkiyädäge 22 sänäğät’ zonasına zur täşwiq’lär bireläçäk, investiśiya häm finanslaw mömkinlege ciňeläyäçäk. Törkiyäneň avtomobil’ predpriyätiyese törkeme TOGG kebek strategik investiśiyälär ber sänäğät’ zonası bulıp sanalaçaq.
