Törek matbuğatına küzätü 22.12.2021
22nçe dekabr' könne çıqqan qayber törek gazetlarına küzätü
“Hürriyet” gazetı Ärdoğannıñ Mädäniyät häm sänğat’neñ zur büläkläw tantanasındağı belderülärenä urın birä.
İlbaşı Räcäp Tayyip Ärdoğan kiçä rezidenśiyäsendä uzğan tantanada qatnaştı. Ul “2053nçe yılnı küzallawıbıznıñ töp nigeze mäğarif häm mädäniyät bulaçaq” dide.
“Haber Türk” gazetı Şäntopnıñ Tön’yaq Makedoniyäne kisätüe turında yaza.
Törkiyä Böyek Millät Mäclese räise Mostafa Şäntop Tön’yaq Makedoniyä parlamentındağı çığışında FETO turında kisätü yasadı. Ul terrorçı oyışmasınıñ Törkiyä öçen genä tügel, barıp urnaşqan barlıq däwlätlärdä yanaw häm milli iminlek qurqınıçı tudıruın belderde.
“Vatan” gazetı ministr Akarnıñ Bosniya-Gerśegovina ğomumştab başlığın qabul itüen citkerä.
Törkiyä milli saqlanu ministrı Xulusi Akar Bosniya-Gerśegovina ğomumştab başlığı general-leytenant Senad Masoviç belän oçraştı. Anda ike däwlät arasında xärbi öyrätü häm xezmättäşlekne tağın da arttıru êşçänlegen tizlätü turında süz bara.
“Star” gazetı Niger xökümäte räise Maxamadunıñ “Terrorçılıq belän köräştä Törkiyägä ixtiyacıbız bar” digän süzlären citkerä.
Niger xökümäte räise Ouxumudu Maxamadu ileneñ terrorçılıq belän köräştä Törkiyäneñ täcribäläre häm cihazlarına ixtiyacları buluın söyläde. “Törkiyä xärbi cihazlar, aviaśiya häm keşesez hawa apparatları mäs’äläsendä aldınğı. Ul Nigernıñ terrorçılıq belän köräşenä bik küp mäydanda öleş kertä ala,”-dide ul.
“Sabah” gazetı “TOGG AQŞqa bara” dip yaza.
Törkiyäneñ cirle häm milli avtomobile TOGG dön’ya säxnäsenä berençe adımın Amerika Quşma Ştatlarında yasıy. Ul Las-Vegas şähärendä 5nçe-8nçe ğıynvarda bulaçaq häm dön’yadağı iñ zur texnologiyä firmaları urın aluçaq Qullanuçı êlektronikası kürgäzmäse GES-2022dä qatnaşa.
