Төрeк мaтбугaтынa күзәтү - Törek matbuğatına küzätü 10.12.2021

“Xörriyät” gazetı: "Rusiyädän S-400 belderüe: “Törkiyä taşlama yasamıy”"

Rusiyä İlbaşı süzçese Dmitriy Peskov Törkiyäneñ Rusiyädän S-400 saqlanu sistemasın alğanı öçen Amerika Quşma Ştatları ğamälgä kertkän sankśiyalarnı tänqıytläde. Törkiyäneñ bu çikläwlär aldında taşlama yasamawın belderüçe Peskov Törkiyägä S-400neñ ikençe öleşen cibärergä planlaştıruların äytte.

“Watan” gazetı: "Ministr Soylu: “3 meñ 250 poliśiya xezmätkärebez Qatardağı Bötendönya kuboğında wazıyfa başqaraçaq”"

Törkiyä êçke êşlär ministrı Söläyman Soylu: "3 meñe maxsus iminlek xezmätkärläre belän bergä tuplam 3 meñ 250 poliśiya xezmätkärebez Qatardağı FIFA 2022 Bötendönya kuboğında wazıyfa başqaraçaq”, - dip äytte.

“Star” gazetı: “Ministr Muş citkerde: “İke śifrlı sannarğa ireşäçägebezgä ışanam”"

Törkiyä säwdä ministrı Mäxmät Muş: "Bezneñ êksportnıñ tiz artuı häm êksport arqasında citeşterüneñ kübäyüe belän tizlängän yaña kapital salular belän yıl axırında Urta möddätle programma üseş maqsatıbız bulğan 9% däräcäsen dä uzaçağıbızğa häm ike śifrlı sannarğa ireşäçägebezgä ışanam”, - dip äytte.

“Yäni Şafak” gazetı: "İtaliyağa êksportta rekord yañartıldı"

Törkiyä İtaliyağa üktäbr’ ayında 1 milliard 26 million dollar bulğan ber aylık êksport rekordın noyabr’dä 1 milliard 39 million dollarğa citkerde. Avtomobil’ industriyası noyabr’dä İtaliyağa 181 million 400 meñ dollar külämendä êksport başqardı.

“Sabah” gazetı: "Törkiyä neft’läre akśionerlıq cämğıyäte TPAO Cömhüriyät tarixınıñ rekordın quyarğa äzerlänä"

Törkiyä neft’läre akśionerlıq cämğıyäte (TPAO) neft’ citeşterüdä yaña yılnıñ maqsatların bilgeläde. TPAO Ğomum mödire Mälih Han Bilgin Batman töbägendä 50 meñ miçkä belän bergä başqa töbäklär belän ber rättän tuplam könenä neft’ êşläp çığaruın 65 meñ miçkägä citkerep, yaña yılda cömhüriyät tarixınıñ neft’ rekordın quyarğa äzerlänulären äytte.