Төрeк мaтбугaтынa күзәтү - Törek matbuğatına küzätü 09.12.2021

“Xäbär Türk” gazetı: “Ärdoğan: “Yözlägän zur investiśiyanı küzätep torabız”'

İlbaşı Räcäp Tayyip Ärdoğan yaña tör koronavirus (Kovid-19) kizüe belän bergä yaña tärtipkä salınğan global’ iq’tisadi sistemada yoldızı balqıp torğan illärneñ iñ başında Törkiyäneñ toruın belderde. Ärdoğan: “İlebezneñ dürt ber yağında häm üz watandaşlarıbız, häm xalıqara investorlar tarafınnan alıp barılğan yözlägän zur investiśyanı yaqınnan küzätep barabız”, - dip äytte.

“Star” gazetı: “Rusiyä-Ukraina krizisında Törkiyäneñ yaqlawına yäşel ut”

Ukraina İlbaşı Vladimir Zelenskiyneñ matbuğat süzçese Sergiy Nikiforov Rusiyä belän yäşängän Donbass krizisında Törkiyäneñ söyläşülärdä qatnaşuın uñay dip tabuların äytte. İlbaşı Ärdoğan: “Bez (Rusiyä-Ukraina tartqalaşuında) ike tarafnıñ rizalığı belän ciñeläytüçänlek, aradaşçılıq yäki telängän teläsä qaysı formatta yaqlaw täq’dim itä alabız”, - dip beldergän ide.

“Xörriyät” gazetı: “Törkiyä ğaläm yarışına milli ğaläm programması belän äzerlänä”

Sänäğät häm texnologiya ministrı Mostafa Varank, Törkiyäne ğaläm yarışına “Milli ğaläm programması” belän äzerläwlären iskärtep uzıp: “Törek injenerları belän texnikları proyektlağan qorab belän ayğa qatı töşü maqsatına qağılışlı êşçänlegebezne tizlättek. Ğalämdä oçırtılaçaq gibrid raketa motorın sınap qarawlarıbız däwam itä”, - dip äytte. Törkiyä 2023nçe yıl axırında üz milli häm original’ gibrit raketası belän Ayğa barıp citep, qatı töşüne maqsat itä.

“Yäni Şafak” gazetı: “Tamğaxanä qapqalarında yök maşinası xäräkäte soñğı 4 ayda 17%qa arttı”

Törkiyäneñ êksport rekordı tamğaxanä qapqalarında kürenä. Ber köndä yaqınça 5 meñ 380 yök maşinası çıqqan 6 tamojnya qapqasında tığız xäräkätlelek yäşänä. Yök maşinası xäräkätendä soñğı 4 ayda 17% artu buldı. Törkiyäne citeşterü nığıtması bularaq kürgän Awrupa zakazlarınıñ kübäyüe dä yök maşinası xäräkäten arttıra.

“Watan” gazetı: “Dön’yanıñ iñ qıymmätle taşı barı tik Törkiyädä çığarıla”

Dön’yanıñ iñ qıymmätle taşlarınnan berse barı tik Törkiyädä bar. Muğlanıñ Milas ilçäsendä (rayonında) çıqqan taşnıñ almazğa qarağanda 10 meñ märtäbä tağın da siräk buluı belderelde. İl külämendä häm çit ildä zur soraw-taläp kürgän taşnıñ iñ yaratqan zatları isä Gollivud yoldızları. Asıltaş sıyfatında bulğan diaspor taşınıñ tös üzgärtü üzençälege isä iñ küp iğ’tibarnı cälep itüçe yağı. Diaspor taşı köndez yäşel bulsa, şäm yaqtısında alsu töskä dä kerergä mömkin.