Төрeк мaтбугaтынa күзәтү - Törek matbuğatına küzätü 04.11.2021

“Watan” gazetı: “Parij kileşüeneñ köçenä kerü waqıtı 10nçı noyabr’ bularaq bilgelände”

“Räsmi Gazet”ta çıqqan İlbaşı qararı belän Parij kileşüeneñ köçenä kerü waqıtı 2021nçe yılnıñ 10nçı noyabr’ bularaq bilgelände. İlbaşı Räcäp Tayyip Ärdoğan 21nçe sentyabr’dä Berläşkän Millätlär Oyışması Ğomum şurasında yasağan belderüendä Törkiyäneñ Parij kileşüen raslayaçağın häm 2053nçe yıl öçen çista nol’ êmissiya maqsatın quyuın citkergän ide.

“Xäbär Türk” gazetı: “Törek hawa yulları yılnıñ berençe 9 ayında 6,2 milliard törek lirası külämendä çista tabış aldı”

Törek hawa yulları (THY) 2021nçe yılnıñ berençe 9 ayında 6 milliard 200 million törek lirası (TL) külämendä çista tabışqa ireşte. 2021nçe yılnıñ berençe 9 ayında tuplam 31 million yulçı yörtkän THY Törek hawa yulları bıyıl berençe 7 ayda Awrupada iñ küp säfär yasağan aviakompaniya bulsa, berençe 9 ayda da Awrupada iñ küp reys başqarğan ikençe hawa yulı buldı.

“Xörriyät” gazetı: “Avtomobil’ industriyasınnan 2,6 milliard dollarlıq êksport”

Törkiyä avtomobil’ industriyasınıñ uzğan aydağı êksportı 2 milliard 600 million dollar bularaq tormışqa aştı. 2021nçe yılnıñ ğıynwar’-üktäbr’ çorında avtomobil’neñ çit ilga satıluı isä uzğan yılnıñ şuşı uq aylarına qarağanda 19% artu belän 23 milliard 900 million dollar buldı. Bu çorda urtaça ber aylıq êksportı 2 milliard 400 million dollar bulğan tarmaq Törkiyäneñ çit illärgä satu ölkäsendä qabat berençe buldı.

“Star” gazetı: “Cirle avtomobil’ proyektı ışanıçlı adımnar belän üz yulında däwam itä”

Törkiyäneñ cirle avtomobil’ citeşterüendä maqsat itelgän berençe maşina 2022nçe yıl azağında bazarğa täq’dim iteläçäk. Êlektrlı maşinalarnıñ yöräge bulğan batareyalarnıñ Törkiyädä êşläp çığarıluı ölkäsendä dä citdi alğarışlar tormışqa aşırıldı. Törkiyä avtomobile iniśiativa törkeme belän dönya gigantı “FARASİS” batareya kapital saluına tizdän Gämliktä başlayaçaq.

“Yäni Şafak” gazetı: “Korkut Ata törki dönya fil’m festivale täwge tapqır İstanbulda uzaçaq”

“Bäyoğlu mädäniyät yulı festivale” qısalarında ütkäreläçäk “Korkut Ata törki dönya fil’m festivale” kino yaratuçılar belän oçraşuğa äzerlänä. Festivalneñ tanıtu fil’mın sośial’ media akkauntınnan urtaqlaşqan Mädäniyät häm turizm ministrı urınbasarı Äxmät Misbah Dämircan, festivaldä 13 ildän 42 fil’mnıñ qatnaşaçağın belderep: “Törki cömhüriyätlärdän 200dän kübräk prodyuser, rejissyor häm aktyor cıyılaçaq yuğarı däräcäle oçraşu belän kinonıñ yöräge İstanbulda tibäçäk”, - dip äytte.