Törek matbuğatına küzätü 19.08.2021

“Xörriyät” gazetı yazğança Törkiyä ilbaşı Räcäp Tayyip Ärdoğan turıdan-turı êfirda Äfğanstandağı täraqqıyät’lärgä tuqtalıp: “Bäyläneşle oyışmalarıbız Taliban belän êlemtädä ide. Bez dä Taliban citäkçelären qabul itä alaçağıbıznı monnan alda citkergän idek. Äfğan xalqınıñ xozurı, ilebezneñ mänfäğat’lären saqlaw mäs’äläsendä härtörle xezmättäşlekkä äzer bez. Taliban citäkçeläreneñ basınqı häm aqıllı açıqlawlarına uñay qarıybız,” – dide.

“Watan” basması beldergänçä Milli saqlanu ministrı Xulusi Akar Äfğanstandağı täraqqıyät’lär belän bäyle bularaq tübändägeçä citkerde: “Töek ğaskäriläreneñ iminlege öçen härtörle çaranı kürdek, kürergä däwam itäbez. Xärbilärebezneñ tormışın qurqınıç astına quya almıybız.”

“Star” gazetı xäbärenä kürä Taliban Kabulnı kontrol’ astına alğannan soñ Törkiyägä qaytu öçen möräcäğat’ itkän 200dän artıq Törkiyä watandaşı utırğan Törek hawa köçlärenä bäyle A400 M törendäge oçqıç Kabuldan kütärelde.

“Yeni Şafak” basması citkergänçä Liviya belän Törkiyä arasında imzalanğan kileşüneñ ğamäldän çığarıluı öçen yasalğan çaqırulardan soñ Liviya Däwlät Yuğarı Şurası başlığı Xalid el-Mişri açıqlaw yasadı.

“Kileşüne tuñdıru taläben kire qağabız häm ğayeplibez,” – dide ul.

“Sabah” gazetı alman häm rus turistlarnıñ közen Törkiyädä yal itäçägen yaza.

Xäbärdän kürengänçä sentäbr’da yar buylarındağı qunaqxanälär 80%ka tuldı, taläpneñ oktäbr’da da däwam itüe, sezonnıñ isä noyabr’ urtasına qadär suzılaçağı kötelä.