Törek matbuğatına küzätü 18.08.2021

“Sabah” gazetı yazğança Törkiyä ilbaşı Räcäp Tayyip Ärdoğan kiçä İstanbulda İDEF-21 15nçe Xalıqara saqlanu sänägäte yärminkäseneñ açılış tanatanasında çığış yasap, çik ar’yağında terrorçılıqqa qarşı köräşkändä tınıç xalıqnı bombağa totuçılardan bulmawların häm bulmayaçaqların belderde.

“Xörriyät” basması beldergänçä Tışqı êşlär ministrı Mäwlüt Çavuşoğlu kiçä açıqlaw yasap: “Äfğanstanda xäzergä qadär Taliban yasağan yullamalarğa uñay qaradıq. Äfğanstanda barlıq yaqlar belän dialognı däwam itteräbez. Taliban belän dä,” – dide.

“Star” gazetı xäbärenä kürä kiçä Törkiyä Böyek Millät Mäclese başlığı Mostafa Şentop belän küreşkän Kön’yaq Koreya Milli mäcles başlığı Byeong-seug Koreyanıñ bügenge köndä törek ğaskäriläre tırışlığı belän qalqınuın açıqlap: “Koreya bernindi ilgä qardäşem dimäs, barı ik Törkiyägä genä,” – dide.

“Yeni Şafak” basması citkergänçä soŝial’ media çeltärendä açıqlaw yasağan Pol’şanıñ Saqlanu ministrı Mariuş Blaçak BAYKAR Saqlanunıñ ğomüm mödire Xaluk Bayraktar belän küreşüen häm Bayraktar TB2 qorallı keşesez hawa apparatlarınıñ 2022dä Pol’şa Qorallı köçlärenä tapşırılaçağın belderde.

“Xäbär türk” gazetı yazğança Törkiyädän 2021nçe yılnıñ 7 aylıq çorında 16 meñ 250 tonna Qara diñgez söläyman balığı êksportlandı, bu êksporttan 90 million 316 meñ 827 dollarlık kerem täêmin itelde.