Törek matbuğatına küzätü 05.07.2021

“Xäbär türk” basması beldergänçä İstanbulda watandaşlar koronavirus çaralarındağı êtaplı cayğa salu qararları qısasında uramğa çığu tıyuı bulmağan berençe yäkşämbedä diñgez yarları häm parklarğa ağıldı. Törkiyäneñ här şähärendä oxşaş küreneşlär buldı. Watandaşlar ayıruça diñgezgä yul tottı.

“Xörriyät” gazetı yazğança BioNTechnıñ qoruçıları professor doktor Uğur Şahin häm doktor Özlem Türeci Sabancı Universitetınıñ çığarılış kiçäsendä onlayn qatnaştı. Uğur Şahin çığış yasap: “Vakŝinaŝiyaneñ kizüne kontrol’ itüdä bulışuın küräbez. Bu 3-4 ay êçendä Törkiyädä dä çınğa aşaçaq,” – dide.

“Star” basması Tön’yaq Kipr Törek Cömhüriyäte ilbaşı Êrsin Tatarnıñ süzlären citkerä: “Kiprda zur waqıyğalar küzätelde, zur genoŝid buldı läkin Törkiyäneñ yärdäme belän bügenge könnärne kürdek. Däwlätebez, cömhüriyätebez bar. Törkiyä belän bergä milli däğwalarnı yaqlawnı däwam itteräbez.”

“Yeni Şafak” gazetı citkergänçä Franŝiya Senatınıñ saqlanu komitetı Franŝiya armiyasen keşesez hawa apparatları suğışlarına äzerlänergä çaqıruçı xisap äzerläde. Xisapta törek qorallı keşesez hawa apparatlarınıñ Qarabax, Liviya häm Süriyädä qullanıluı äytelä. Törkiyäneñ qorallı häm qoralsız keşesez hawa apparatlarınıñ zur ülçämdä citeşterelä häm êksportlana başlawı belderelde.

“Sabah” basması yazğança dön’yanıñ iñ bay bor rezervına iyä bulğan Törkiyä bu qıymmätne iqtisadqa qazandıra. Borel qul dezinfekŝiyase AQŞ, Lyuksemburg häm Finlyandiyağa êksportlana, Yaqın Könçığış illärennän dä taläp kilde. Germaniya, Angliya, Franŝiya, Niderland ta maqsat itelgän êksport bazarları bularaq bilgelände.