Törek matbuğatına küzätü 30.06.2021

“Haber Türk” gazetı Törkiyä iq’tisadındağı üseş farazların citkerä.

Awrupa Tözekländerü häm üseş bankınıñ farazlarına qarağanda, Törkiyä iq’tisadi bıyıl 5,5% üsäçäk. Kürsätkeç, 2020nçe yılnıñ oktyabrendäge faraz belän çağıştırğanda, 0,5%qa kütärelde.

“Vatan” gazetı “Dön’ya törek dronnarı artınnan kilä” dip yaza

Törkiyädä yasalğan qorallı keşesez hawa aparatlarınıñ xalıqara abruyı torğan sayın arta. Alarnı üz armiyäseneñ qorallanuına kertü öçen äzerlänüçe illärgä tağın berse östälde. Albaniyä parlamentı Törkiyäneñ qorallı keşesez hawa apparatları öçen 8 million yevrodan artıq östämä byudjet bülep quydı.  

“Yeni Şafak” gazetı Awrupa mediasınıñ Törek hawa yulların maqtawın citkerä.

Koronavirus kizüendä aviaśiyä tarmağı awırlıq kiçergän waqıtta Törek hawa yulları uñışqa ireşte. Germaniyä häm Franśiyä matbuğatı, pandemiyägä qaramastan, yaxşı finans yılı kiçergän şirkätne maqtadı. “Köçle çaralar arqasında kizü waqıtında äybät üseş kürsätte,”-dip yazdılar häm Törek hawa yullarınıñ iñ yaqın köndäşennän ike tapqır uzdıruın assızıqladılar.

“Star” gazetı Törkiyä belän Sudan arasında ähämiyätle xezmättäşlek turında xäbär itä.

Törkiyä belän Sudan arasında awıl xucalığı tarmağında xezmättäşlek urnaştırıldı. Kileşüdä ferma açu, orlıq citeşterü, igençelek tikşerenüläre, çirlär belän köräşü, citeşterüne arttıru häm öyrätü maddäläre urın ala.

“Sabah” gazetı milli basketbol komandasınıñ uñışı xaqında citkerä.

Törkiyäneñ ir-atlar cıyılma basketbol komandası Kanadada FİBA Olimpiyä saylap alu turlarınıñ berençe matçında Urugvaynı 95-68 ciñde.