Törek matbuğatına küzätü 24.05.2021

“Watan” gazetı yazğança Törkiyä ilbaşı Räcäp Tayyip Ärdoğan öçen başlatılğan “Ärdoğan yanında bez” êtiketlı yullamalar meñnärçä keşe xuplawında Twitter kön tärtibendä.

Xäbärgä kürä Twitterda Törkiyä ilbaşın xuplaw öçen başlatılğan yullamalarğa xalıq ışanıçıları belän ictimağıy oyışmalarnıñ citäkçeläre dä aralarında bulğan şaqtıy keşe teläktäşlek kürsätte.   

“Sabah” basması beldergänçä Kayseri şähärendä yasalğan koronavirus vakŝinasınıñ Sälamätlek saqlaw ministrlığına tapşırılğan faza-2 xisabına kürä 250 üzixtıyarıy östendäge êşçänleklärdän soñ vakŝina qadatqan barlıq keşelärdä dä antitänçeklärneñ barlıqqa kilüe kürelde.

Xäbärdän kürengänçä älegä aktiv bulmağan berençe cirle vakŝinada barışlar uñışlı tämamlanğan oçraqta vakŝinanı sentyäbr’ ayında qullanırğa röxsät bireläçäk.

“Star” gazetı citkergänçä Rusiyä turistları Törkiyägä oçqıç säfärläreneñ cäy sezonınnan alda qabat başlatıluın teli. Törkiyäne bik yaratuların belderüçe turistlar Kovid-19 çikläwläreneñ qısqa waqıtta betüen ömet itä.

Gazet yazuınça Rusiyä turistları Törkiyäne klimatı, küñel açu urınnarı häm byudjetı öçen ideal’ il bularaq kürä.

“Yeni Şafak” basması xäbärenä kürä Super Liga çempionı bulğan törek futbol taqımı Beşiktaşnıñ Çempionnar Ligasında qatnaşa almaw riskı bette. Törek komandası Angliya Prem’yer-Ligada Çelsinıñ liganı berençe 4lektä beterüe öçen Däwlär Ligasınıñ törkem êtabında turıdan qatnaşu xoquqına iyä buldı.

“Xäbär türk” gazetı beldergänçä Franŝiya Ligası 1neñ soñğı atnasında Êndjersnı çit mäydanda 2-1 isäbe belän ciñgän Lill’ taqımı çempion buldı. Lill’dä ikençe tupnı törek futbolçısı Burak Yılmaz kertte. Êçendä 4 törek futbolçısı uynağan Lill’ komandası 4nçe tapqır çempion däräcäsen aldı. Burak Yılmaz mäydanğa Törkiyä bayrağın kütärep çıqtı. Törek futbolçısı barlığı 16 tup kertep, isemen çempionat tarixına yazdrıdı.