Törek matbuğatına küzätü 23.03.2021

“Watan” gazetı yazğança Törkiyäneñ Tışqı êşlär ministrı Mävlüt Çavuşoğlu BMO Ğomüm särqätibe Antonio Guterreş Kipr öçen wazıyfalandırğan maxsıs kiñäşçese Djeyn Xoll Lyute belän kiçä başqala Änkarada küreşte.

Xäbärgä kürä Çavuşoğlu kiñäşçe belän Kipr mäs’äläsendä aprel’ ayı azağında Şveyŝariyaneñ Jeneva şähärendä oyıştırılaçaq 5+1 formatındağı räsmi bulmağan cıyılışnıñ äzerleklären qarawların belderde.

“Yeni Şafak” basması beldergänçä İspaniya tışqı êşlär ministrı Gonzales Laya kiçä Awrupa Berlegeneñ Tışqı êşlär ministrları cıyılışınnan alda yasağan açıqlawında berlekneñ Törkiyä belän pozitiv mönäsäbätläreneñ buluı zarurlığın äytte.

“Star” gazetı xäbär itkänçä Törkiyädä êşsezlek küläme koronavirus kizüenä qaramastan 2020dä aldağı yıl belän çağıştırğanda 0,5 ballğa tübänäyep, 13,2% buldı.

“Xörriyät” basması citkergänçä Yevrokontrol’neñ 15-21 mart könnärendäge mäğlümatlärenä kürä Törek hawa yulları könlek 670 oçış belän berençe buldı. İkençe urında franŝuz hawa yulları – Air France.

“Sabah” gazetı FIFA Dön’ya kuboğı 2022 matçlarınıñ dulqınlandıra başlawın yaza. Xäbärdän kürengänçä Törkiyä Milli futbol taqımı Niderland komandası belän uynayaçaq matçta sud’ya ingliz Maykl Oliver bulaçaq.