Törek matbuğatına küzätü 18.03.2021

“Yeni Şafak” gazetı yazğança Germaniyada çığuçı “Die Welt” basması Törkiyäneñ koronavirus kizüenä qarşı vakŝinaŝiyaläwdä Germaniyadan tizräk buluın citkerä.

“Sabah” gazetı xäbärenä kürä İtaliyaneñ aldınğı êş dön’yası gazetı “Il Sole 24 Ore” Törkiyä Kovid-19 kizüendä täêmin itkän üseş belän bäyle analiz açıqladı.

Xäbärdän kürengänçä Törkiyä global’ kizü küzätelgän 2020 yılnıñ soñğı çiregendä 5,9%lık üseş täêmin itep, dön’ya bazarların şaqqattırdı.

“Watan” basması beldergänçä Törkiyäneñ Êksportçılar Mäclese başlığı İsmail Gülle törek êksportçılarınıñ yılnı bik yaxşı başlatuların äytep, mart ayınıñ êksport sannarında syurpriz yasayaçaqların citkerde.

“Martta iskitkeç sannar bulaçaq, yıllıq êksport maqsatıbız – 200 milliard dollar,” – dide ul.

“Star” gazetı yazğança Qıtay şirkäte Xiaomineñ Törkiyädäge êşxanäseneñ açılış köne bilgele buldı.

Xäbärgä kürä êşxanä 29 martta açılaçaq. İstanbulda açılaçaq êşxanädä yılına 5 million smartfon citeştereläçäk.

“Xäbär türk” basması citkergänçä ingiliz “Daily Telegraph” gazetı inglizlärneñ 2021 yılda yal öçen Törkiyäne saylayaçağın yaza.

Xäbärdän kürengänçä ingliz gazetı Törkiyäneñ Turizm ministrı Mäxmät Nuri Ersoynıñ Angliyadan kiläçäk turistlar öçen vakŝina pasportınıñ kiräk bulmayaçağın häm 15 aprel’dan soñ PŜR testınıñ da soralmayaçağın äytüen xäterlätte.