Төрeк мaтбугaтынa күзәтү - Törek matbuğatına küzätü 15.03.2021

“Star” gazetı: "Ärdoğan: “Bez dönyanıñ iñ aldınğı illäre arasında”"

İlbaşı Räcäp Tayyip Ärdoğan 14nçe mart Mediśina köne tantanasına cibärgän video yullamasında, keşelek dönyasının soñğı ber ğasırnıñ iñ citdi sälamätlek fäläqätlärennän bersen yäşäwen belderep: "(Kovid-19) iñ risklı törkemnärdän başlatqan vakśinaśiyäläw êşçänlegendä bez dönyanıñ iñ aldınğı illäre arasında. Hiçşiksez, bu uñışta iñ zur öleş – sawlıqqa qawıştıru öçen köne töne êşläwçe sälamätlek saqlawçılarıbıznıqı”, - dip äytte.

“Yäni Şafak” gazetı: "Törkiyä Kosovanıñ Qudüs-Yerusalimdä ilçelek açuın gäyepläde"

Tışqı êşlär ministrlığı Kosovanıñ Qudüs-Yerusalimdä ilçelek açuın tiran borçılu belän qarşılawın häm iñ köçle räweştä gäyepläwen belderde.

“Xörriyät” gazetı: "THYdän yulçılarğa blank kisätüe"

Törek hawa yulları (THY) Törkiyägä kiläçäk yulçılarnıñ bügennän başlap oçışlarınnan aldağı soñğı 72 säğät êçendä "http://register.health.gov.tr" adresındağı Törkiyägä kerü blankın tutırularınıñ kiräk buluın belderde.

“Watan” gazetı: "“AKINCI TİHA”dan iskitkeç uñış"

Törkiyäneñ hawadağı yaña köçe “AKINCI TİHA” tağın ber testnı uñışlı uzdı. “Baykar”dan yasalğan belderüdä “AKINCI PT-2”neñ (AKINCI Prototip 2 keşesez hawa apparatı) qamilläşterelgän sistema tanu sınawların uñışlı tämamlawı citkerelep: "Uñışlı tögällängän här sınap qaraw “AKINCI”nı wazıyfağa tağın ber adımğa yaqınayta. Kük yözebezdä xör häm irekle”, - dip äytelde.

“Sabah” gazetı: "Van küle - NASAnıñ favoritları arasında"

AQŞ aviaśiya häm ğaläm agentlığı NASAnıñ 20 yıldan kübräk waqıt êçendä Xalıqara ğaläm stanśiyäsendä wazıyfa başqarğan astronavtlar töşergän 20 cir şarı fotosürätennän torğan onlayn bäygedä Van küleneñ ğalämdän töşerelgän süräteneñ dä qatnaşuı Vanğa häm Bitliskä söyeneç buldı. Van küleneñ dönyanıñ iñ zur sodalı küle buluı mäğ’lümate dä urnaştırılğan fotosürätne qısqa waqıt êçendä meñnärçä keşe oşattı.