Төрeк мaтбугaтынa күзәтү - Törek matbuğatına küzätü 12.03.2021

“Watan” gazetı: “Ärdoğan: “Milli gimnıbız – böten cäberlängännärgä ilham buldı””

İlbaşı Räcäp Tayyip Ärdoğan milli şağir Mäxmät Akif Ärsoy yazğan gimnnıñ böten cäberlängännärneñ azatlıq köräşenä ilham çığanağı buluın äytte. İstiklal marşınıñ (gimnnıñ) dönyanıñ şaqtıy ilendä xökem sörgän êkspluatatśiya tärtibeneñ qaqşawında möhim öleşe buluın belderüçe Ärdoğan: “Mäxmät Akif kebek ber şağirğa, İstiklal marşı kebek bäysezlek bäyannamäsenä iyä bulğanıbız öçen ni qadär şöker itsäk äz bulır”, - dip äytte.

“Yäni Şafak” gazetı: “Ärdoğan: “Kizü waqıtında sälamätlek saqlaw ölkäsendä dastan yazdıq””

İlbaşı Ärdoğan sośial’ media akkauntınnan yaña tör koronavirus (Kovid-19) Törkiyädä kürengännän soñ uzğan ber yılda sälamätlek saqlaw ölkäsendä başqarılğan êşçänlek belän urtaqlaştı. Ärdoğan: “Sälamätlek saqlawçılarıbıznıñ fidaqärlege belän, daimi yañaların xezmätkä alğan, mömkinleklären arttırğan xastaxanälärebez belän häm köçle asqormabız belän sälamätlek saqlaw ölkäsendä dastan yazdıq”, - dip äytte.

“Sabah” gazetı: “Sälamätlek saqlaw ministrı Koca: “Kovid-19 qurqınıçı 2021nçe yılda däwam itmäyäçäk”"

Sälamätlek saqlaw ministrı Fahrettin Koca Törkiyä xalıq sanınıñ 50 million öleşe yazğa qadär vakśinaśiyälängän oçraqta kizü basımınıñ cimereläçägen, virusnıñ taralu tizlegeneñ azayaçağın äytte. “Kovid-19” belän köräştä uñış kürsätelgän berence frontlarnıñ berseneñ Törkiyä bulacağına basım yasawçı Koca: “Vakśinaśiyäläw programması mökämmäl räweştä alıp barıla. Kovid-19 qurqınıçı 2021nçe yılda däwam itmäyäçäk”, - dip assızıqladı.

“Xörriyät” gazetı: “Törkiyäneñ Kovid-19 täcribäse dönyağa añlatılaçaq”

Êlemtä räislege Törkiyäneñ kizü belän ber yıl buyı alıp barğan êffektiv köräşne añlatuçı “turkiyestopscovid.com internet saytın açtı. “Keşelek öçen” şiğare belän törekçä häm inglizçä äzerlängän internet säxifäse Törkiyäneñ şuşı barışta häm üz watandaşları häm dä böten dönya öçen başqarğan êşçänleklären añlata.

“Star” gazetı: “Törkiyäsez Könçığış Urta diñgez çişeleşkä ireşä almas”

İtaliyanıñ Änkara tulı wäqalätle ilçese Massimo Gaiani Könçığış Urta diñgezdä möhim ênergiya çığanaqlarınıñ buluına ışanuların häm iñ ozın yar buyına iyä Törkiyäneñ bu töbäkneñ ber öleşe buluın belderde. Törkiyäneñ Könçığış Urta diñgezdäge torışına iğ’tibarnı yünältüçe Gaiani: “Törkiyäneñ ğadel qatnaşuı bulmıy torıp bu töbäktä daimi çişeleşkä ireşep bulmayacağın uylıym”, - dip äytte.