Төрeк мaтбугaтынa күзәтү - Törek matbuğatına küzätü 11.03.2021

“Xäbär Türk” gazetı: "“Aqqoyı”da 3nçe reaktornıñ nigeze salındı"

Kiçä Aqqoyı atom êlektrostanśiyäsendä 3nçe reaktornıñ nigez salu tantanasında çığış yasawçı İlbaşı Räcäp Tayyip Ärdoğan: "Milli ênergiya asqormabızğa atom köçen dä östäw qararı ênergiya belän täêmin itü iminlege ölkäsendä bez yasağan strategik adım”, - dip äytte. Ärdoğan atom ölkäsendä däwlär ligasına kergän Törkiyä bulaçağın citkerde.

“Xörriyät” gazetı: "Ministr Çavuşoğlu: “Urta Aziyädä açılaçaq berence Mäğarif waqıfı mäktäbe bulaçaq”"

Tışqı êşlär ministrı Mäwlüt Çavuşoğlu kiçä räsmi säfär yasağan Qırğızstanda “Mäğarif” waqıfınıñ bu ildä mäktäplär açaçağın häm dürt teldä belem biräçägen belderde. Çavuşoğlu: "Mäğarif mäktäbe Urta Aziyada açılaçaq berence Mäğarif waqıfı mäktäbe bulaçaq. Bu da bezneñ Qırğızstanğa birgän ähämiyätneñ kürsätkeçe”, - dip äytte.

“Watan” gazetı: "Ministr Akar alban wazıyfadaşı belän küreşte"

Milli saqlanu ministrı Hulusi Akar kiçä başqala Änkarada Albaniya saqlanu ministrı Niko Peleshi belän küreşte. Oçraşu waqıtında ike yaqlı häm regional’ iminlek häm saqlanu mäs’äläläre belän saqlanu sänäğätendä xezmättäşlek mömkinlekläre turında fiker alışıldı.

“Sabah” gazetı: "Törkiyä-Greśiya arasındağı yaña söyläşülärneñ waqıtı bilgele buldı"

Tışqı êşlär ministrlığı Törkiyä belän Greśiya arasındağı konsul’tativ söyläşülärneñ çirattağı turınıñ 16nçı-17nçe mart könnärendä Afinada uzaçağın belderde.

“Star” gazetı: "Törkiyäneñ “Äjdär Yalçın 4x4” bronetexnikasınnan ber-ber artlı uñış"

Törkiyä saqlanu sänäğäteneñ qamilläşterelgän taktik tägärmäçle bronyalı maşina “Äjdär Yalçın 4x4” êksportta ireşkän uñışlarına yañaların östi. Häm NATO häm dä Berläşkän Millätlär Oyışması wazıyfalarında faydalanılğan Törkiyäneñ berdänber maşinası bulu uñışın yawlağan “Äjdär Yalçın 4x4” çılbırlı texnikası monnan arı dönya markası buldı.