Törek matbuğatına küzätü 10.03.2021

”Xӓbӓr Törek” gazetı Törkiyӓ saqlanu ministrı Hulusi Akarnıň kiçӓ Rumıniyӓgӓ rӓsmi sӓfӓre waqıtında yasağan belderüendӓ Xakurk hӓm Kandilgӓ oyıştırılğan hawa xӓrӓkӓtendӓ 25 terrorçınıň tӓêsrsez xӓlgӓ kiterelüe turında milli küzlӓw kanallarınnan mӓğ’lümat aluları xaqında ӓytüen citkerӓ.

”Xörriyӓt” gazetı İq’tisadi xezmӓttӓşlek hӓm qalqınu oyışmasınıň ( OECD) vakśinaśiya hӓm östӓmӓ finans yӓrdӓmnӓreneň tӓêsire belӓn zur külӓmdӓ yaxşıru küzӓtelü sӓbӓple dekabr’ ayında 4,2 % dip iğ’lan itkӓn 2021 nçe yılğa dönya iq’tisadınıň üseş farazın 5,6%qa, Törkiyӓ iq’tisadı öçen 2,9%tan 5,9%qa üzgӓrtüe turında yaza.

”Sabah” gazetı HİSAR-O+ raketasınıň kiçӓ soňğı atuda iň yıraq diapazon hӓm iň yuğarı biyeklektӓn üz maqsatına ireşüen xӓbӓr itӓ. İlbaşı idarӓseneň saqlanu sӓnӓğӓte başlığı İsmail Demir HİSAR-O+urta byeklektӓ hawa saqlanu sistemasınıň sınap qarawnı uňışlı uzuın belderde.  

”Vatan” gazetı Törkiyӓ sӓnӓğӓt’ hӓm texnologiya ministrı Mostafa Varanknıň kiçӓ yasağan çığışında “Törkiyӓneň 2020 nçe yıldağı üseş kürsӓtkeçe 1,8% dip iğ’lan itelde. Törkiyӓ Kovid -19 êpidemiyӓse arqasında kiçergӓn barlıq tiskӓre yaqlarğa qaramastan üseşen dӓwam itӓ alğan sirӓk illӓrneň berse buldı. Fevral’ ayındağı êksport 16 milliard dollarnı uzıp kitte” dip ӓytüen citkerӓ.

”Yaňa Şafak” gazetı yazğança, Xalıqara sportnı öyrӓnü üzӓge (CIES) 2001 nçe yılda tuğan iň perspektivalı fubolçılarnı sanap kitte. “Beşiktaş”nıň yӓş’  qapqaçısı Êrsin Destanoğu isemlektӓ 5 nçe urınnı aldı.