Төрeк мaтбугaтынa күзәтү - Törek matbuğatına küzätü 09.02.2021

“Watan” gazetı: “İlbaşı Ärdoğan Merkel belän söyläşte”

İlbaşı Räcäp Tayyip Ärdoğan Germaniya Kanślerı Angela Merkel belän video konferenśiya söyläşüen ütkärde. Ärdoğan söyläşü waqıtında Törkiyä-Awrupa Berlege mönäsäbätlären uñay kön tärtibe belän alğa taba alıp baruda täwäkkäl buluların belderep, Mart sammitına barılğan barışta êlemtäneñ arttırılıp texnik söyläşülärneñ ütkärelüen teläwlären belderde.

“Yäni Şafak” gazetı: "Alman matbuğatınnan Törkiyägä vakśinaśiyäläw maqtawı"

Yaña tör koronavirus ülemnäre rekord däräcägä citkän häm sälamätlek saqlaw sistemasında zur awırlıqlar yäşängän Germaniyada krizis här uzğan kön zuraya bara. Törkiyädä isä problemasız däwam itüçe vakśinaśiyäläw kampaniyası alman matbuğatın ğacäpländerde. Nemeś matbuğatı: “Germaniyadağıdan tağın da kübräk keşe Törkiyädä vakśinaśiyälänä, kampaniyada butalçılıq yuq”, - dip yazıp çıqtı.

“Star” gazetı: "Szijjarto: “Awrupanıñ iminlege Törkiyädän uza”"

Räsmi oçraşular ütkärü öçen Änkarağa kilgän Macarstan (Vengriya) tışqı êşlär häm säwdä ministrı Peter Szijjarto: "Törkiyä belän mönäsäbätlärebezgä bik zur ähämiyät biräbez. Migraśiya belän bäyle bularaq Awrupanıñ iminlege Törkiyädän uza. Urta Awrupanıñ ênergetikasınıñ iminlegenä zur öleş kertä”, - dip äytte.

“Sabah” gazetı: "Rus turistları fevral’ ayında cäyne yäşäde"

Antaliyanıñ Dämrä ilçäsendä Rusiyä turistları, fevral’ ayında tabiğätneñ häm diñgezneñ läzzäten alıp, Urta diñgezneñ zäp-zäñgär sularında yözüneñ östenlegen yäşäde.

“Xörriyät” gazetı: "Hawa mäydannarında ğinwarda 5,2 million 200 meñ yulçığa xezmät birelde"

Törkiyä külämendäge aêroportlarda bıyıl ğıynwar’ ayında xezmät birelgän tuplam yulçı sanı 5 million 227 meñ 452 bularaq terkälde.