Törek matbuğatına küzätü 04.12.2020

“Star” gazetı yazğança Törkiyä ilbaşı Räcäp Tayyip Ärdoğan Berläşkän Millätlär Oyışması Ğomüm şurasınıñ Kovid-19 belän köräş maxsus utırışına video yullama belän möräcäğat’ itte.

Xäbärgä kürä Ärdoğan: “Xalıqara cämäğat’çelek 21nçe ğasırnıñ iñ zur global’ imtixanın birä. Bu awır waqıtnı uzdırunıñ açqıçı – xalıqara xezmättäşlek häm dön’yaküläm teläktäşlek,” – dide.

“Xörriyät” basması beldergänçä Törkiyä ilbaşı Räcäp Tayyip Ärdoğan İran däwlät başlığı Xäsän Ruxani belän ütkärgän telefon söyläşüendä Tawlı Qarabax mäs’äläsendä yaña çornıñ başlanuın äytte.  Bu çorda Azärbaycannıñ cir bötenlege häm möstäqıyl’legenä külägä töşerä alaçaq härtörle ğamäldän taypılunıñ bik möhim buluın, daimi tınıçlıq häm totrıqlılıqnıñ yaña forsatlar tudıraçağın, monıñ Ärmänstan belän ber rättän barlıq töbäk illäre faydasına bulaçağın açıqladı.

“Yeni Şafak” gazetı citkergänçä Törkiyäneñ xärbi yärdäme belän Tawlı Qarabaxta tarixi ciñü yawlağan Azärbaycan ğıynwar-noyabr’ aylarında Törkiyädän 256 million dollarlık qoral importladı.

Xäbärgä kürä 44 kön barğan suğışta Ärmänstan yaqınça 3 milliard yarım dollarlık zyan kürde häm distälärçä hawa saqlanu sisteması, yözlärçä tank, köbäle çarasın yuğalttı.

“Sabah” basması xäbärenä kürä koronavirus vakŝinasın tapqan törek tabibları Uğur Şahin häm Özlem Türeci Amerikan “Wall Street Journal” häm “New York Times” gazetlarında basılıp çıqtı.

Xäbärlärdä törek tabiblarınıñ bu uñışınıñ qaçaqlarğa uñay täêsir itäçägen, könbatışta üsep kilüçe qaçaq näfräten beterä alaçağı assızıqlandı.

“Xäbär türk” gazetı yazğança Änkara, Bilkent, Xacettepe universitetlarınnan belgeçlärneñ urtaq êşçänlege näticäsendä koronavirusnıñ küzänäkkä kerüenä qomaçawlayaçaq sprey yasaldı. Xayvannarda uñışlı sınap qaralğan borın spreyı xäzer üzixtıyarilärdä sınalaçaq. Doŝent, doktor Urartu Şeker älege spreynıñ kizüne äkrenäytäçägenä ışanuın citkerde.