Törek matbuğatına küzätü 04.11.2020

“Xäbär türk” gazetı beldergänçä İzmirdağı cirteträwdä iñ küp zıyan kürgän Bayraklı ilçäsendä 3 yä’şlek Ayda Gezgin 91 sägät’tän soñ xäräbälärdän çığarıldı. Aydağa şunduq aşığıç yärdäm kürsätelde.

“Sabah” basması yazğança Törkiyä ministrı Xulusi Akar Könçığış Urta diñgez belän bäyle açıqlaw yasap, Greŝiyaneñ irkälänüdän waz kiçep, xalıqara xoquqqa yaraqlı totış kürsätüe zarurlığın belderde.

Xäbärdä ministrnıñ tübändäge süzläre urın ala: “Berkem dä köçen uzıp, üzennän zurraq êşlärgä totınmasın. Bu – tupik. Xaqqıbıznı izä almasız.”

“Yäni Şafak” gazetı citkergänçä Awstriya başqalası Venada barlıqqa kilgän terror höcümendä ber xatın-qız häm ber poliŝiya xezmätkären qotqarğan ike törek ildä milli qaharman itep iğlan itelde.

Xäbärgä kürä höcümdä yaralanğan ber xatın-qıznı restoranğa alıp kergän Räcäp Tayyip Gültekin häm Mikail Özen höcüm waqıtında tirä-yaqtağı keşelärgä saqlanırğa häm iyelergän quşqan.

“Star” basması Transport häm asqorıma ministrı Adil Karaismailoğlunıñ Xalıqara iyärçen nigezle diñgez häm hawa êzläw-qotqaru sistemasına virtual’ iyärçen signalı birüçe simulyator östäwläre belderüen yaza.

Xäbärgä kürä ministr tübändägeçä citkerde: “Törkiyä bar keşelekkä xezmät kürsätä. Xalıqara iyärçen nigezle diñgez häm hawa êzläw-qotqaru sistemabızğa dön’yada barı tik 3 ildä genä bulğan virtual’ iyärçen signalı birüçe simulyatorlarnı östädek. Gruziya, Ukraina, İran, Ğıyraq häm Äfğanstanğa koordinator il bularaq xezmät kürsätäbez.”

 “Xörriyät” gazetı beldergänçä Törkiyäneñ avtomobil’ häm ciñel maşina bazarı ğıynwar-oktäbr’ çorında aldağı yılnıñ şul uq çorı belän çağıştırğanda 78,1%ka üsep, 588 meñ 354 danä bularaq çınğa aştı.