Törek matbuğatına küzätü 02.11.2020

”Star” gazetı “Rasist terrorçılıq Könbatış illӓrendӓ  vaba kebek tarala” isemle xӓbӓrendӓ Törkiyӓ ilbaşı Rӓcӓp Tayyip Ӓrdoğannıň “Genośid : Srebreniśadan alınğan sabaqlar” isemle liderlar sammitına video yullama cibӓrüe turında yaza. Ӓrdoğan: “Awrupalı möselmannar sistemalı rӓweştӓ diskriminaśiyӓgӓ duçar bula, xaq-xoquqları hӓm ireklӓre tartıp alına” dide.

”Xӓbӓr Törek” gazetı “Törkiyӓdӓn Greśiyӓgӓ Navtex cawabı” isemle xӓbӓrendӓ yazğança, tışqı êşlӓr ministrlığı süzçese Hami Aksoy Greśiyӓneň Törkiyӓneň Navtex iğ’lanına qağılışlı belderülӓrenӓ cawap birde. Aksoy:”Greśiyӓneň maksimalistik dӓğ’walarına nigezlӓnep hӓr Navtex iğ’lanınnan soň bezneň êşçӓnleklӓrebezgӓ qarşı çığuı buşqa. İlebez xalıqara xoquqları nigezendӓ töbӓktӓ êşçӓnleklӓren dӓwam itӓçӓk”,-dide.

”Yaňa Şafak” gazetı “Ӓrmӓnstan ciňelüen iğ’lan itӓrgӓ tiyeş” isemle xӓbӓrendӓ beldergӓnçӓ, tışqı êşlӓr ministrı Mӓvlüt Çavuşoğlu Törkiyӓneň Azӓrbaycanğa yaqlawın kürsӓtü öçen tağın ber tapqır Baqığa kitte hӓm ilbaşı İlham Aliyev belӓn küreşte. Suğışnıň dӓwam itüennӓn Ӓrmӓnstan prem’yer – ministrı Nikol Paşinyannı cawaplı totqan İlham Aliyev ” Ӓrmӓnstannıň ciňelüen iğ’lan itep ğaskӓrlӓren bezneň cirdӓn çığaruı hӓm problemanı söylӓşü yulı belӓn çişü – iň aqıllı variant” dide.

”Vatan” gazetı “Törkiyӓ hӓm Azӓrbaycannan ênergiya tarmağında xezmӓttӓşlek protokolı” isemle xӓbӓrendӓ Törkiyӓ ênergiya bazarın köylӓw oyışması belӓn Azӓerbaycan ênergiyӓne köylӓw agentlığı arasında êlektr hӓm tabiği gaz bazarlarında garmoniyӓle normativ baza buldıru öçen xezmӓttӓşlek protokolı imzalanuın xӓbӓr itӓ.

”Sabah” gazetı “Törkiyӓgӓ rӓxmӓtlebez” isemle xӓbӓrendӓ citkergӓnçӓ,  Gollivud yoldızı Armand Assante “Törkiyӓdӓge qaçaqlarğa kürsӓtelgӓn yӓrdӓm öçen bez bik rӓxmӓtle. Törkiyӓ zur yökne, millionlagan keşeneň yögen kütӓrde. Törkiyӓ qaçaqlarnı sıyındırıp üz totrıqlılığın qurqınıç astına quydı”dide.