Törek matbuğatına küzätü  28.10.2020

“Akşam” gazetında “Putinğa Karabax telefonı” digän xäbär çıqtı

Törkiyä ilbaşı Räcäp Tayyip Ärdoğan Rusiyä däwlät başlığı Vladimir Putin belän telefon aşa söyläşte. Anda Tawlı Qarabaxtağı soñğı waqıyğalar xaqında süz bardı.  

“Takvim” gazetı “Franśuz tovarların boykot itü öçen kodın qararğa kiräk” dip yaza. :

İlbaşı Ärdoğan islamğa qarşı näfrät arttıruçı Franśiyäneñ tovarların boykot itärgä çaqırdı. Watandaşlar aña teläktäşlek belderde. Belgeçlär isä barkod nomerı 30 belän 37 arasında bulğan tovarlarnıñ Franśiyäneke ikänen citkerde.  

“Milliyet” gazetı “Dön’ya Tön’yaq Kipr törek cömhüriyäten qabul itärgä tiyeş” dip citkerä.

Saylanuınnan soñ Tön’yaq Kipr törek cömhüriyäte ilbaşı Ärsin Tatar berençe säfären Törkiyägä yasadı. Ul dön’yanıñ TKTCnı qabul itärgä tiyeşlegen söyläde. “Törkiyä ike tigez xoquqlı däwlät öçen söyläşik di. Bu minem öçen dä urınlı qarar. Yaña prośessta greklarğa territoriyäne birü turında süz barmıy,”-dide Ärsin Tatar.

“Hürriyet” gazetı ministr Albayraknıñ 3 kritik belderüen citkerä.

Törkiyä qazna häm finans ministrı Bärat Albayrak aralarında Amazon häm Apple şikelle gigantlar da bulğan dön’ya şirkätlärenä Törkiyä turında söyläde. İlneñ iq’tisadı borılış noqtasında.  Ofıqta yaña kapital salu dulqını kürenä başladı. Küp kenä xalıqara şirkätlär citeşterülären Törkiyä tiräsenä urnaştıra.

“Sabah” gazetı “97 yıllıqnı tantanalı qotlaw” dip yaza.

Törkiyädä 29nçı oktyabr’ - Cömhüriyät bäyräme. Yaña däwlät tözelüneñ 97 yıllığı bäyräm iteläçäk. Çaralar qısasında, ilbaşı Räcäp Tayyip Ärdoğannıñ Anıtkabirne zıyarät itüe kötelä. Soñınnan ul rezidenśiyäsendä qotlawlar qabul itäçäk hä Milli köräş kürgäzmäsen açaçaq.