Törek matbuğatına küzätü 05.10.2020

“Haber Türk” gazetı Tawlı Qarabaxtağı PKK/YPG terrorçıları turında yaza.  

Törkiyä ärmän terrorçılar belän xezmättäşlek itüçe separatist terrorçı oyışma PKK/YPG äğ’zası terrorçılarnı kisätte. Alarğa kiçekmästän Tawlı Qarabax töbägennän kitärgä çaqıru yasaldı. Bu xaqta Milli saqlanu ministrlığı belderüendä äytelde.  

“Hürriyet” gazetı “Törkiyä belän Greśiya cıyılışı kiçekterelde” dip xäbär itä.

Törkiyä belän Greśiyä arasında NATO ştabında bügen ütkärelergä tiyeşle texnik cıyılış  ike ilneñ urtaq qararı nigezendä kiläse könnärgä küçerelde. Anda Könçığış Urta diñgezdäge xärbi iminlek häm koordinaśiyä mäs’äläläre qarala.

“Vatan” gazetı Törkiyäneñ Franśiyägä qatğıy reakśiyä kürsätüen citkerä.

Törkiyä Franśiyä ilbaşı Êmmanuêl’ Makronnıñ 9nçı dekabr’dä ministrlar kabinetına täq’dim itäçäk separatizm belän köräş turındağı qanun proyektına rizasızlıq kürsätte.  Tışqı êşlär ministrlığınnan yasalğan belderüdä mondıy yullar bar: “İslam dinen yaqtırtu sıltawı belän “Awrupa islamı”, “Franśiyä islamı” şikelle töşençälär kiterep çığarıp migrantlarnı disśiplinağa kertä alunı uylaw – keşelek häm xoquqıy nigezlärgä qarşı xäräkät itü digän süz”

“Yeni Şafak” gazetında “Diyarbaqırdan İtaliyägä suzılğan läzzät: kipterelgän pomidor” digän mäqalä urın ala.

Törkiyäneñ Diyarbaqır töbägendä bernindi ximik matdä qullanılmıyça citeşterelgän pomidorlar zur mäydannarğa taratıp kipterelgännän soñ İtaliyägä êksportlana. Ul – ital’yan tabınınıñ alıştırğısız öleşlärennän berse. Kipterelgän pomidorlar İtaliyada bigräk tä spagetti häm piśśalarda sous bularaq qullanıla.

“Star” gazetı “Franśiyädä töreklär şow yasadı, Lill’ liderlıqqa oçtı” dip yaza.

Franśiyäneñ 1nçe Ligasında Lill’ komandası Strassburgnı 3kä 0 ciñde. Matçta törek futbolçılar Burak Yılmaz häm Zäki Çälik üz süzen äytte. Alar ikese dä berär gol kertte. Lill’ şulay itep ligada uynağan 6nçı matçta 4nçe ciñüenä ireşte. Klub, Burak Yılmaznıñ golınnan soñ, Twitter akkauntında törekçä “Kral” (Patşa) dip yazdı häm Törkiyä bayrağı êmodjisın qullandı.