Törek matbuğatına küzätü 01.10.2020

“Vatan“ gazetı  “İlbaşı Ӓrdoğannan Awrupa Berlege liderlarına xat” isemle xӓbӓrendӓ Törkiyӓ ilbaşı Rӓcӓp Tayyip Ӓrdoğannıň Awrupa Berlege oyışmaları citӓkçelӓrenӓ hӓm ӓğ’za illӓrneň liderlarına xat cibӓrep Törkiyӓneň Uta diňgez mӓs’ӓlӓsenӓ qarata totışın hӓm problemalarnı çişügӓ qağılışlı tӓq’dimnӓren citkerüe turında yaza.

”Xörriyӓt” gazetı “Ӓgӓr Azӓrbaycan telӓsӓ, bez kirӓk bulğannı êşlӓyӓçӓkbez” isemle xӓbӓrendӓ Törkiyӓ tışqı êşlӓr ministrı Mӓvlüt Çavuşoğlunıň Ӓrmӓnstannıň Azӓrbaycan cirlӓrenӓ başlatqan höcümnӓre belӓn bӓyle kiçӓ yasağan belderüendӓ “Azӓrbaycan mӓs’ӓlӓne  çişӓrgӓ teli ikӓn anıň yanında bulaçağıbıznı belderdek. Ӓgӓr Azӓrbaycan telӓsӓ, bez kirӓk bulğannı êşlӓyӓçӓkbez. Lӓkin Azӓrbaycannıň köçe citӓrlek ikӓnen kürӓbez”dide.

”Sabah” gazetı “Ӓrmӓnstan yalğan süzlӓr ӓytӓ” isemle xӓbӓrendӓ yazğança, Törkiyӓ saqlanu ministrlığı Ӓrmӓnstannıň Törkiyӓ oçqıç hӓm qorallı keşesez hawa apparatları belӓn bӓyle yalğan dӓğ’walar belderüen citkerde. Ministrlıqnıň bu xaqtağı belderüendӓ tübӓndӓge yullar urın aldı:”Bolar Ӓrmӓnstan qarşında Törkiyӓ bar digӓn qaraş tudırıp, artındağı yӓrdӓmne arttıru maqsatında qara propaganda alıp baralar”.

”Star” gazetı  “Törkiyӓ aviaśiya tarmağında dönyanıň ӓydӓp baruçı illӓre arasında üz urının aldı” isemle yazmasında Törkiyӓ transport hӓm asqorma ministrı Adil Karaismailoğlunıň tübӓndӓge süzlӓren uquçıları belӓn urtaqlaşa:” 2003 nçe yılda 26 bulğan hawa mӓydanın 56 ğa ,il êçendӓ 2 üzӓktӓn 26 punktqa başqarılğan oçış xezmӓten 7 üzӓktӓn 56 punktqa, 50 ildӓ 60 punkt bulğan xalıqara reyslarıbıznı 127 ildӓ 329 punktqa  citkerdek.Bu investiśiyӓlӓr belӓn tarmaqtağı aqça ӓylӓneşe 2 milliard 200 million dollardan 27 milliard 200 million dollarğa kütӓrelde hӓm ilebez aviaśiya tarmağında dönyanıň ӓydӓp baruçı illӓre arasında üz urının aldı”.

”Xӓbӓr Törek” gazetı “Denizlidӓ 9 million yıl êlekkegӓ qarawçı fosil’lӓr tabıldı” isemle xӓbӓrendӓ Törkiyӓ mӓdӓniyat hӓm turizm ministrlığı koordinaśiyӓsendӓ ütkӓrelgӓn öslek tikşerenülӓrendӓ Denizlineň Tavas hӓm Beyağaç ilçӓlӓrendӓ 9 million yıl êlek yӓşӓwe uylanılğan fil hӓm anteatr fosil’lӓre tabıluın xӓbӓr itӓ.