Törek matbuğatına küzätü 01.09.2020

“Sabah” gazetı yazğança, Ärdoğan Urta diñgezdä dä Qara diñgezdäge şikelle söyençe kötülären citkerde.
İlbaşı Räcäp Tayyip Ärdoğan Urta diñgezdä seysmik tikşerenülär däwam itäçägen belderep “Bez başqasınıñ xaqına kermibez, üzebezneñ xaqıbızğa da kertmibez” dide. Ul Urta diñgez häm Êgeyda piratlıq, banditlıqqa berqayçan da yul quymayaçaqların äytte.

“Haber Türk” gazetı Ömär Çälikneñ Greśiyägä Meys belän bäyle rizasızlıq belderüen yaza.
Törkiyäneñ AK partiyä süzçese Ömär Çälik Greśiyäneñ Meys utrawın qorallandıruına rizasızlıq kürsätep: “Greśiyäneñ Meys utrawın qorallandırırğa kereşüe yaña piratlıq ürnäge,”-dide.

“Hürriyet” gazetı Fäxrettin Altunnıñ papa Franśisknıñ Könçığış Urta diñgez belderülären qanäğat’lelek belän qabul itüen ağı planğa çığara.

İlbaşı êlemtä idaräse başlığı Fäxrettin Altun bu xaqta kiçä Twitterdağı akkauntınnan belderde. “Törkiyä isemennän Greśiyä häm başqa däwlätlärne Êgey utrawların qorallandıru häm Zäñgär watanıbızda xaqların belderü urınına xalıqara xoquqnı ütärgä çaqırabız. Urta diñgez tınıçlıq häm totrıqlılıq diñgeze bulırğa tiyeş,”-dide ul.

“Vatan” gazetı ministr Albayraqnıñ bäyälämälären citkerä.

Qazna häm finans ministrı Bärat Albayraq, pessimistik süzlärgä qaramastan, tulayım êçke produkt däräcäseneñ, dön’yadağı başqa illär belän çağıştırğanda, yaxşı näticä kürsätüen belderde. “Törkiyä iq’tisadınıñ nigeze nıq, dinamikası köçle,”-dide ul.    

“Star” gazetı yazğança, Törkiyä cömhüriyäte üzäk bankı belän Liviyä üzäk bankı arasında xezmättäşlek kileşüe imzalandı.

Älege kileşü üzäk bankaçılıq mäs’älälärendä xezmättäşlekne üsterü öçen nigez täşkil itäçäk.