Törek matbuğatına küzätü 28.08.2020

“Hürriyet” gazetı: "Törkiyä Böyek Millät mäclese räise Şäntopnıñ Liviyä belderüe”

Mostafa Şäntop kiçä Liviyä yuğarı şurası räise Xalid äl Mişri belän söyläşte. Anda ul BMO qararların sanğa suqmawçı ğamällär başqarğan Misır, Berläşkän Ğaräp Ämirlekläre, Franśiyä şikelle däwlätlärneñ Liviyädäge qanunlı xökümätkä häm anıñ qararlarına xörmät kürsätülären kötülären belderde.

“Haber Türk” gazetı: “Xulusi Akarnıñ yullamaları”

Törkiyä milli saqlanu ministrı Xulusi Akar Könçığış Urta diñgezdä Greśiyä belän bulğan kiyerenkelek xaqında bolay dide: “Bez söyläşü yaqlı, barısı da açıq – bez tınıçlıq, xozur, xaqıbıznı häm xoquqıbıznı telibez. Aldağı könnärdä grek wazıyfadaşlarıbıznı qabul itärgä äzerbez. Kilsennär, söyläşik”.

 “Sabah” gazetı: “Ministr Varank strategik xezmättäşlek xaqında belderde – saqlanu konśeptın üzgärtäçäk”

Sänäğat’ häm texnologiyälär ministrı Mostafa Varank Ukraina viśe-prem’yerı häm strategik industriyälär öçen cawaplı ministr Oleg Uruskiy belän oçraştı.  Anda Varank bolay dide: “Böten dön’ya qızıqsınıp küzätüçe dronnarıbıznı bez Ukrainağa cibäräbez häm bu yaña çorda zur üzgäreşlärgä kiteräçäk, ähämiyätle saqlanu konśeptların üzgärtäçäk”.

“Vatan” gazetı: "Oruç Reis öçen yaña NAVTEKS”

Törkiyäneñ “Oruç Reis” seysmik tikşerenü köymäse öçen Urta diñgezdä yaña navteks kisätüe çıqtı. Anda äytelgänçä, korab êşçänlegen 1nçe sentyabr’gä qadär ozayta.

 “Star” gazetı: "Gigant kruiz köymäläre marşrutların Törkiyägä taba bordı”

Törkiyädä kruiz turizmında canlılıq başlandı. Global’ investiśiyä xoldingı şurası räise Mäxmät Kutman: “Kruiz şirkätläreneñ 2021nçe yıl öçen köçle bron’nar belderä başlawı köç-quät östi. Gigant kruiz korabları Törkiyägä yöze belän borıldı,”-dide.