Törek matbuğatına küzätü 25.08.2020

“Yäni Şafak” gazetı: “İlbaşı Ärdoğan: “Greśiyanıñ yasağanı kirebetkänlek””

İlbaşı Räcäp Tayyip Ärdoğan Greśiyanıñ “Navtex” iğ’lanınıñ töbäktä urnaşqan böten köymälärneñ yar buyı häm xäräkät iminlegen qurqınıç astına qyğan kirebetkänlek buluın äytte. Ärdoğan: “Monnan soñ töbäktä yäşänä alınaçaq här tiskärelekneñ berdänber cawaplısı Greśiya, berdänber zarar kürüçe dä şulay uq bu il üze bulaçaq”, - dip belderde.

“Sabah” gazetı: “Ärdoğan: “Tabiğıy gazda Urta diñgezdän dä söyeneçle xäbär kiläçäk””

İlbaşı Ärdoğan Qara diñgezdäge 320 milliard kub metrlıq tabiğıy gaz tabıluınnan soñ Urta diñgezdän dä söyeneçle xäbär alaçaqların ömet itüen äytte. Ärdoğan “Oruç Räis” köymäseneñ häm anı ozatıp baruçı flotnıñ êşçänlegennän iñ keçkenä genä dä kire adım yasamayaçağın belderde.

“Watan” gazetı: “Törkiyädän Greśiyağa qarşılıq! Xärbi köymälär yulğa çığa”

Greśiyanıñ “Oruç Räis”neñ êşçänlek mäydanında xärbi künegülär ütkäräçägen açıqlağannan soñ Törkiyädän berençe reakśiya yasaldı. Milli saqlanu ministrı Hulusi Akar Afina citäkçelege qabul itkän qararnıñ kiyerenkelekne arttıraçağına basım yasadı. Törkiyäneñ Könçığış Urta diñgezdäge êşçänlegendä xaqlı buluın da assızıqlawçı Akar: “Bezgä birelgän wazıyfanı bügengä çaqlı iñ yaxşı räweştä başqardıq, monnan soñ da ütärgä däwam itäçäkbez”, - dip äytte.

“Star” gazetı: “Qara diñgezdä tağın da zurraq tabiğıy gaz potenśialı bar”

İlbaşı idaräse süzçese İbrahim Qalın Törkiyäneñ Qara diñgezdäge Sakariya gaz mäydanında 320 milliard kub metr tabiğıy gaz rezervın tabuın başlanğıç bularaq bäyäläde. “Texnik belgeçlärebez bezgä tağın da zurraq potenśial buluın citkerä”, - dip äytüçe Qalın: “Açış häm zondaj (êzläw häm boralaw) êşçänlege ber yulı däwam itäçäk”, - dip belderde.

“Xäbär Türk” gazetı: “İyül’ ayında turizmda zur artış”

Törkiyägä iyül’ ayında kilgän turist sanı monnan aldağı ayğa qarağanda 4 märtäbä artıp, 214 meñ 768 keşedän 932 meñ 937 keşegä citte. İyül’ ayında Törkiyägä kilgän turistlarnıñ ilgä iñ küp kergän çik buyı qapqaları bäyle bulğan vilayätlär isemlegendä İstanbul 32,36% (301 meñ 930 keşe) belän berençe urında bulsa, Antaliya häm Ädirnä berençe öçtä urnaştı.