Törek matbuğatına küzätü 21.08.2020

“Xäbär Türk” gazetı: “Awrupa Berlege saq bulu çaqıruların Greśiyağa häm Kipr grek citäkçelegenä yasarğa tiyeş”

Törkiyäneñ legal’ xoquqları qısalarında Könçığış Urta diñgezdäge êşçänlege däwam itä. Greśiya isä Törkiyäne yış-yış Awrupağa şiqayät’ itä. Awrupa Berlege dä Törkiyägä güyä saq bulu çaqıruların yasıy. Wazğiyätkä reakśiya kürsätüçe Tışqı êşlär ministrlığı süzçese Hami Aqsoy Awrupa Berlegeneñ Könçığış Urta diñgezdä tınıçlıqnı, mullıqnı häm totrıqlılıqnı maqsat itüçe barışnıñ ber öleşe bulırğa teli ikän, ul çaqta ob’yektiv häm döres buluınıñ zarurlığın äytep, Berlekneñ tınıçlıq çaqıruların Greśiya häm Kipr grek citäkçelegenä yasawı kiräk dip belderde.

“Xörriyät” gazetı: “Hawa şarı turları 22nçe avgustta başlıy”
 

Transport häm asqorma ministrı Adil Qaraismailoğlu “Kovid-19” kizüe arqasında tuqtatılğan hawa şarı turlarınıñ 22nçe avgustta qabat başlatılaçağın belderde. Törkiyädä här yıl yaqınça 600 meñnän kübräk turist hawa şarı turlarına quşıla. Uzğan yıl bu san 660 meñnän artqan ide. Kapadokiya hawa şarı noqtası buluı yağınnan dönyada qabul itelgän sanawlı turistik töbäklärdän berse.

“Watan” gazetı: “Törkiyäneñ iñ küp bitlek satqan il Germaniya buldı”

Ğıynvar’-iyün’ çorında Törkiyädä êşläp çığarılğan ber tapqır qullanıla torğan bitleklärgä iñ küp Germaniyadan, Qıtaydan, Franśiyadan, Rumıniyadan häm Quveyttan soraw-taläp kilde. Bu çorda Germaniyağa yaqınça 14 million 300 meñ dollarlıq, Qıtayğa 13 million 600 meñ dollarlıq, Franśiyağa 9 million 800 meñ dollarlıq, Rumıniyağa 8 million 600 meñ dollarlıq häm  Quveytqa 8 million yarım dollarlıq ber tapqır qullanıla torğan mediśina bitlege satıldı.

“Star” gazetı: “AQŞ professorı Gunter: “Ärmännärneñ dokumentı yalğan”

1915nçe yıldağı waqıyğalar turında tikşerenülär ütkärgän Amerika Quşma Ştatlarınıñ Tennessee Tech universitetınnan sośiologiya häm säyäsät beleme professorı Maykl Gyunter ärmännärneñ 1915nçe yılğı waqıyğalar belän bäyle raslawların dälilläwçe hiçber çın dokument bulmawın belderde. Gyunter: “Mäsälän, ärmän raslawların isbatlawı alğa sörelgän mäşhür Andonian dokumentları uydırma”, - dip äytte.