Törek matbuğatına küzätü 17.08.2020

”Vatan” gazetı ”Törkiyä Djo Baydenğa kisken reakśiya belderde” isemle xäbärendä Amerika Quşma Ştatları ilbaşı namzäte Djo Baydennıñ 16 nçı ğıynwardağı inter’vyusında Törkiyä xaqında äytkän häm internetka kilep êläkkän süzläreneñ bäxäs uyatuı turında yaza. Törkiyä ilbaşı idaräse süzçese İbrahim Qalın cäncal süzlärgä reakśiya belderep, “Baydennıñ Törkiyä turındağı analizı nadanlıqqa, täkäbberlekkä, ikeyözlelekkä nigezlänä”dide.

”Star” gazetı ”Törkiyä yaña NAVTEX iğ’lan itte” isemle yazmasında Törkiyäneñ ozaq waqıt Könçığış Urta diñgezdä borawlaw êşçänlekläre başqaruçı “Yavuz” köymäse öçen yaña NAVTEX iğ’lan itüen citkerä. Monıñ nigezendä anıñ êşçänlek başqaru waqıtı 15 nçe sentyabr’gä qadär ozınaytıla. “Yavuz” borawlaw köymäse Kipr kiñleklärendä uglevodorod êzläw êşçänleklären däwam itteräçäk.

”Xörriyät” gazetı” Urta diñgezdä saqlaw qalqanı” isemle xäbärendä Franśiya belän Kipr grek citäkçelege arasında tözelgän “Saqlanu tarmağında xezmattäşlek” kileşüenä Törkiyäneñ kisken reakśiya belderüe turında yaza.

”Yaña Şafak” gazetınıñ ”Makron Awrupada yalğız qaldı” isemle xäbärennän kürengänçä, Könçığış Urta diñgezdä Greśiyägä yaqlaw kürsätep Awrupanı Törkiyägä qarşı berläşterergä telägän Franśiya berlektäşlärennän telägänen aluğa ireşä almadı. Fransiya, da, Greśiya da yalğız qaldı.

”Sabah” gazetı “Törkiyä sänäğät’ citeşterüendä Awrupada 1 nçe urında” isemle yazmasında Törkiyä säwdä ministrı Ruhsar Pekcan räislegendä kiñäşmä şurasınıñ 16 nçı cıyılışı uzuın xäbär itä. Videokonferenśiya yulı belän uzğan cıyılışta ministr “Törkiyä sänäğät’ citeşterüe indeksında 17,6% artış belän Awrupa da 1 nçe urında.Berençe çirektäge üseştä G-20 illäre arasında 4,5% üseş belän bolay da berençe urında idek”dide.  

 “Xäbär Törek” gazetı “Êmber Xerd İstanbulğa soqlandı” isemle xäbärendä amerikalı aktrisa Êmber Xerdnıñ yal itü öçen Törkiyäne saylawın uquçıları belän urtaqlaşa. Uzğan atnada Bodrumda yal itkän tanılğan aktrisa İstanbulğa kilde. Tarixi yarımutrawda bulıp mäçetkä dä barğan aktrisa İstanbulğa ğaşıyq buluın belderep, säyäxäteneñ neçkäleklären sośial’ media akkauntında urtaqlaştı.