Törek matbuğatına küzätü 29.07.2020
29nçı iyül’dä basılıp çıqqan qayber törek gazetlarına küzätü
“Xäbär Türk” gazetı: “Ärdoğan: “Üzebez häm duslarıbız öçen köräşergä däwam itäçäkbez””
İlbaşı Räcäp Tayyip Ärdoğan Süriyädä cäberlängännärneñ fär’yadlarına bitaraf qalmawların, Liviyada da ilneñ legal’ citäkçelegeneñ xezmättäşlek çaqıruına cawapsız qalmawları kebek Azärbaycannıñ da watannarın saqlaw tırışuların şuşındıy uq añlayış belän yaqlawların belderde. Ärdoğan: “Üzebez häm duslarıbız öçen nindi ölkädä genä bulmasın köräşergä kiräk bulsa hiç tuqtap tormayaçaqbız”, - dip äytte.
“Star” gazetı: “Yawlap aluçı Ärmänstannı yaqlawçı köçlärgä yullama”
Törkiyä häm Azärbaycannıñ ütkärgän kiñ qırlı urtaq xärbi künegüläre Azärbaycan matbuğatında kiñ çağılış taptı. Xäbärlärdä Törkiyä häm Azärbaycannıñ şuşı çorda uzdırılğan urtaq künegülärneñ okkupant Ärmänstannı yaqlawçı köçlärgä yullama üzençälegen yörtüe assızıqlandı. Xärbi künegülär “Baqı häm Änkaranıñ xärbi berlektäşlege ölkäsendä iskitkeç adım” bularaq bäyälände.
“Yäni Şafak” gazetı: “Törek dronnarı Awrupa Berlege ğaskärendä wazıyfa başqaraçaq”
Yıraqtan abaylap alu texnologiyası ölkäsendä dron êşläp çığarunı uñışlı räweştä başqara alğan cirle saqlanu sänäğäte şirkäte “Assuva” Qıtay qorallı köçlärennän soñ xäzer inde Awrupa Berlege äğ’zase Greśiya armiyasına kerergä äzerlänä. Törek şirkäteneñ Greśiya saqlanu ministrlığı belän tözegän kileşü qısalarında Törkiyädä êşläp çığarılğan 50 dron öçen aldan qabul itü başqarıldı.
“Sabah” gazetı: ““Oruç Räis” Urta diñgezdä yaña wazıyfasına äzerlänä!”
Könçığış Urta diñgezdä seysmik tikşerenü êşçänlegen başqaru öçen wazıyfasın kötüçe “Oruç Räis” köymäse 2 atna däwam itüçe Urta diñgez kiñlegendä torğannan soñ Antaliya portına kilep tuqtadı. Moñarçı Qara diñgezdä häm Märmärdä seysmik tikşerenü ütkärgän köymä bilgele ber waqıttan birle Urta diñgezdä êşçänlegen alıp bara. “Oruç Räis” köymäse Könçığış Urta diñgezdä yaña seysmik tikşerenü öçen wazıyfa kötä.
“Xörriyät” gazetı: “Törkiyäneñ iñ populyar 100 läzzäte”
Dön’yanıñ dürt ber yağınnan rizıqlarnı yaratuçılarnıñ original’ urınnarın häm tradiśion zäwiqlären alğı planğa çığaru öçen qorılğan “TasteAtlas” (läzzät atlası) säxifäse äğ’zaläreneñ bilgeläre belän äzerlängän Törkiyäneñ iñ populyar 100 läzzäte isemlege yañartıldı. İsemlek törek aş-suları belän qızıqsınuçılar öçen beleşmä üzençälegendä.
