Törek matbuğatına küzätü 24.07.2020

“Xörriyät” gazetı: "Törkiyädän Franśiyägä bik kisken reakśiya"

Tışqı êşlär ministrlığınnan yasalğan belderüdä: "Franśiya Könçığış Urta diñgezdä yasağan här yalğış adım belän tarafsızlığın häm totrıqlılıqqa öleş kertü mömkinlegen yuğalta. Franśiya monnan arı üzen däw közgedän kürüdän waz kiçergä, aqıllı häm raśional’ säyäsät alıp barırğa tiyeş”, - dip äytelde.

“Yäni Şafak” gazetı: "Qalın: “Qurqıtu yäki sankśiya söyläwlären hiç qabul itmibez”"

İlbaşı idaräse süzçese İbrahim Qalın ber çara waqıtında yasağan çığışında: "Könçığış Urta diñgezdäge böten tabiğıy çığanaqlarnıñ ğadel itep urtaqlaşıluın telibez. Bez barı tik xoquqlarıbıznı saqlaw öçen anda. Qurqıtu yäki sankśiya söyläwlären hiç qabul itmibez”, - dip äytte.

“Star” gazetı: "İlbaşı Ärdoğan Ayasofiya mäçeteneñ êlmä taqtasın açtı"

İlbaşı Räcäp Tayyip Ärdoğan 86 yıldan soñ ğıybadätkä açılğan Ayasofiya mäçeten kiçä qarap, “Ayasofiya-i Käbir camiğı şärife” dip yazılğan êlmä taqtasın açtı.

“Sabah” gazetı: "Ayasofiya öçen maxsus aqça"

Kazna häm finans ministrı Bärat Albayraq aqça suğu yortınıñ Ayasofiya öçen maxsus aqça basuın xäbär itte. Albayraq sośial’ media akkauntınnan citkergän yazmasında: "Aqça suğu yortıbız tarafınnan basılğan #AyasofyaCamii” maxsus aqçabız belän tarixqa tağın ber bilgene kertäbez”, - dip belderde.

“Xäbär Türk” gazetı "Azärbaycan tışqı êşlär ministrı: “Törkiyä naçar köndä Azärbaycannıñ yanında buldı”"

Azärbaycan tışqı êşlär ministrı Cäyhun Bayramov Ärmänstannıñ höcümnärenä qarşı törek räsmilärennän yasalğan yaqlaw yullamalarınıñ qardäş törek xalqınıñ naçar könendä Azärbaycannıñ yanında buluınıñ anıq ürnäge buluın citkerde.