Törek matbuğatına küzätü 22.07.2020

“Xäbär Türk” gazetı: “Liviya mäs’äläsendä taşlama yuq”

İlbaşı Räcäp Tayyip Ärdoğan berkemneñ dä xaqqına qızıqmağan, ämma üz xaq-xoquqın da axırına qadär alğan il bularaq xäräkät itärgä däwam itäçäklären äytte. Liviyadağı täräqqiyätlärne yaqınnan küzätülären assızıqlawçı Ärdoğan bu mäs’älädä taşlama yasamayaçaqların belderde.

“Sabah” gazetı: “Törkiyä Könçığış Urta diñgezdä xoquqların êzlärgä däwam itäçäk"

İlbaşı Ärdoğan Törkiyäneñ borawlaw köymäläre “Yavuz” häm “Fatih” belän Könçığış Urta diñgezdä zondaj êşläreneñ başqarıluın belderep, bu adımnarnıñ Könçığış Urta diñgezdäge tozaqlarnı kiresenä äyländerüen äytte. Ärdoğan: “Bez beräwlärneñ röxsätenä bäyle tügel. Bez xalıqara diñgez xoquqı zarur bulğannı, Könçığış Urta diñgezdä xoquqlarıbız nindi bulsa şul adımnarıbıznı yasadıq, monnan soñ da yasarğa däwam itäçäkbez”, - dip äytte.

“Xörriyät” gazetı: “Ärdoğannan Merkel belän kritik söyläşü”

İlbaşı Räcäp Tayyip Ärdoğan Germaniya kanślerı Angela Merkel belän telefonnan söyläşte. Söyläşü waqıtında Liviyadäge häm Süriyädäge täräqqiyätlärgä bäyä birelde, iq’tisad häm turizm belän bergä ike yaqlı mönäsäbätlärneñ üsterelüenä qağılışlı adımnarğa tuqtalıp uzıldı. Ärdoğan häm Merkel “Kovid-19” belän köräştä häm kizüdänb soñğı çorda xezmättäşlek urnaştırıla alınaçaq mäs’älälärne dä söyläşte.

“Yäni Şafak” gazetı: “Aliyev: “Törek xalqına bulğan söyüem ser tügel””

Azärbaycan İlbaşı İlham Aliyev Ärmänstan yasağan höcümnär waqıtında Azärbaycanğa yaqlaw kürsätkän İlbaşı Ärdoğanğa räxmät äytep: “Törek xalqına bulğan söyüem ser tügel”, - dip äytte. Aliyev: “Ärdoğan ike qardäş ilneñ gel bergä bulaçağın äytte. Bu yaqlaw öçen qardäşemgä tirän räxmätläremne citkeräm”, - dip belderde.

“Watan” gazetı: “TOGG ingliz matbuğatında: Törkiyäneñ yaña çor açqan cirle avtomobile”

İngliz “The Telegraph” gazetı Törkiyäneñ cirle avtomobilen êşläp çığaraçaq êşxanä belän bäyle xäbären könneñ möhim täräqqiyätläre arasında citkerde. “The Telegraph” xäbärendä: “Törkiyäneñ yaña çor açqan berençe cirle avtomobile TOGGneñ injenerlıq, dizayn häm citeşterü üzägeneñ nigez salu tantanası Bursanıñ Gämlik ilçäsendä ütkärelde”, - dip belderde.