Törek matbuğatına küzätü 17.07.2020

“Xäbär Türk” gazetı: “Ministr Hulusi Akardan Ärmänstanğa kisken reakśiya”

Milli saqlanu ministrı Hulusi Akar Ärmänstannıñ Azärbaycanğa qarşı höcümnären gäyepläp: “Alar yasağan êşneñ xisabın motlaq räweştä tüläyäçäklär”, - dip äytte. Akar bügengä qadär bulğanı kebek monnan soñ da Azärbaycanğa yärdäm itärgä däwam itäçäklären belderde.

“Star” gazetı: “Aliyev: “Böten dönya Törkiyä belän çın qardäş buluıbıznı tağın ber qat kürde””

Azärbaycan İlbaşı İlham Aliyev Ärmänstan köçläreneñ Azärbaycannıñ toraq punktlarına ut açuı belän bäyle bularaq: “Bez köçle ğaskär-armiya tözedek. Tawlı Qarabax mäs’äläsendä ber adım da xätta artqa yasamayaçaqbız”, - dip äytte. Törek xalqına häm İlbaşı Räcäp Tayyip Ärdoğanğa kürsätkän yaqlawları öçen räxmät citkerüçe Aliyev: “Böten dönya bezneñ çın qardäş buluıbıznı tağın ber märtäbä kürde”, - dip assızıqladı.

“Watan” gazetı: “Antaliyağa sezonnıñ berençe ingliz turist törkeme kilde”

Törkiyä belän Angliya arasında yaña tör koronavirus (Kovid-19) çaraları qısalarında tuqtap qalğan oçıçlarnıñ yañadan başlanuı belän turizmda xäräkätlelek yäşänä başladı. “Kovid-19” kizüe barışında barlıqqa kilgän yaxşırular belän bergä turizm qalası Antaliyağa berençe ingliz turist törkeme kilde. Aldıbızdağı könnärdä ingliz turistlarınıñ kübäyüe kötelä.

“Xörriyät” gazetı: “Rusiyä turistları Törkiyägä küpläp kiläçäk”

Törkiyägä iñ küp turist cibärgän illär arasında berençe urında bulğan Rusiyä belän oçışların yañadan başlanuı söyeneçen Transport häm asqorma ministrı Adil Qaraismailoğlu citkerde. Oçışlarnıñ yañadan başlanuı belän Törkiyägä kilüçe Rusiyä turistlarınıñ sanında möhim artış yäşänäçäge belderelä. Uzğan yılda Törkiyägä 7 million turist kilgän häm monıñ 6 millionı Antaliyanı saylağan ide.

“Sabah” gazetı: “Törek hawa yulları (THY) iñ küp oçış yasağan ikençe avakompaniya buldı”

Koronavirus arqasında çit ilgä säfärlären tuqtatıp torğan häm 11nçe iyün’nän soñ xalıqara reyslarına qabat başlağan THY Törek hawa yulları 15nçe iyül’ çärşämbe könne yasağan 568 oçış belän Awrupanıñ iñ küp oçış başqarğan ikençe hawa yulı şirkäte buldı. İstanbul aêroportı isä 421 oçışnı qabul itep Awrupanıñ iñ tığız hawa mäydannarı arasında dürtençe buldı.