Törek matbuğatına küzätü 13.07.2020

”Xörryӓt” gazetı “İlbaşı Ӓrdoğannan Ayasofiya belderüe” isemle xӓbӓrendӓ Törkiyӓ ilbaşı Rӓcӓp Tayyip Ӓrdoğannıň Ayasofiyanıň qabat ğıybadӓtkӓ açıluı qararına qağılışlı “Ayasofiyanıň statusı öçen  soňğı qarar qabul itüçelӓr - törek millӓte, başqalar tügel. Bu bezneň êçke mӓs’ӓlӓbez. Başqa illӓrgӓ bu qararğa xörmӓt kürsӓtergӓ genӓ qala”dip ӓytüen citkerӓ.

”Star” gazetı “Çavuşoğlunnan Liviya yullaması” isemle xӓbӓrendӓ Törkiyӓ tışqı êşlӓr ministrı Mӓvlüt Çavuşoğlunıň “Financial Times”qa birgӓn inter’vyusında Liviya xökümӓteneň Xӓlifӓ Xafterğa bӓyle köçlӓr barı tik Sirt hӓm Cufra töbӓklӓrennӓn çigenersӓ hӓm 2015 nçe yılğı liniyӓlӓrenӓ kire qaytsa utnı tuqtatunı qabul itӓçӓgen belderüe turında yaza. Çavuşoğlu Xafter köçlӓre bu töbӓklӓrdӓn çigenmӓgӓn oçraqta Liviya xökümӓteneň höcümne dӓwam itterüdӓ qatğıy buluına basım yasıy.

”Vatan” gazetı “Törkiyӓ belӓn Farsı qultığı illӓre arasında sӓwdӓ küpere qorılaçaq” isemle xӓbӓrendӓ yazğança,  sӓwdӓ ministrlığınıň Dubay sӓwdӓ attaşelığınıň kereşüe belӓn Farsı qultığı illӓre belӓn Törkiyӓ arasında regional’ bazarlarnı , êlektron’ sӓwdӓ küpere platformaların maqsat itep quyğan virtual’ sӓwdӓ küpere buldırılaçaq.

”Sabah” gazetı “Dönyada öç ildӓn berse” isemle xӓbӓrendӓ beldergӓnçӓ, saqlanu sӓnӓğӓte rӓislege Törek Qoallı Köçlӓre inventarendӓge barlıq M60T tankların modernizaśiyӓlӓp  konfiguraśiyӓsen kütӓrde. Saqlanu sӓnӓğӓte başlığı İsmail Dӓmir:”Tanklarıbıznı aktiv saqlaw sisteması belӓn zamançalaştırıp dönyada mondıy üzençӓlekkӓ iyӓ 3 ilneň berse buldıq”,-dide.

“Yaňa Şafak” gazetı “Törkiyӓneň cirle qoralları onlayn uyında” isemle xӓbӓrendӓ dönyada iň küp uynalğan FPS (First Person Shooter) isemle onlayn uyınnarnıň bersenӓ Turkish Mod Team ӓğ’zaları ӓzerlӓgӓn programma belӓn Bayraktar keşesez hawa apparatı hӓm qorallı keşesez hawa apparatı, Anka, Kobra, Atak boralağı, Altay tankı kebek cirle qorallar östӓlde. Şul rӓweşle uyınçılar Törek Qorallı Köçlӓre yӓisӓ maxsus köçlӓr bularaq “Fӓrat qalqanı”, “Zӓytün botağı”, “Solıx çişmӓse” hӓm Liviya xӓrӓkӓte töbӓklӓrendӓ wazıyfa başqara ala.