Törek matbuğatına küzätü 02.07.2020

“Sabah” gazetı: "Astana sammitınnan soñ Törkiyä, Rusiyä häm İrannıñ urtaq belderüe”  

Törkiyä - Rusiyä federaśiyäse-İran öçyaqlı videokiñäşmä sammitınnan soñ däwlät başlıqları tarafınnan urtaq dokument xäzerlände. Anda Süriyäneñ cir bötenlegenä basım yasala. İdlib kileşüläreneñ tormışqa aşırıluı häm tınıçlıqnıñ täêmin iteläçäge belderelä.

“Haber Türk” gazetı: "Törkiyä Kön’yaq - Könçığış Awrupa xezmättäşlek prośessınıñ 2020-2021nçe çor räise buldı”.

Törkiyä Kön’yaq-Könçığış Awrupa prośessında 1 yılğa räis buldı. Bu xaqta tışqı êşlär ministrşlığınnan belderü yasaldı. “İlebez êşçänlegen oyışmanıñ töp prinśipları bulğan regional’ milek häm inkliyuzivlıq qısalarında alıp baraçaq,”-diyelä anda.

“Vatan” gazetı: “Awrupa Berlegeneñ säyäxät çikläwlärenä rşzasızlıq: küñel töşenkelege xis itäbez”
Törkiyä tışqı êşlär ministrlığı süzçese Hami Aksoy Awrupa Berlegeneñ säyäxät çikläwläre belän bäyle qararında kiñäş itelüçe illär arasında Törkiyäneñ urın almawına qarata borçıluların belderde. “Awrupa Berlegeneñ mäcbüri bulmağan säyäxät çikläwlären 2020nçe yılnıñ 1nçe iyülennän başlap beterü kiñäş itelüçe öçençe däwlätlär isemlegendä Törkiyägä urın birelmäwe küñelebezne töşerde. Bu yalğışlıqnıñ tiz arada tözätelüen kötäbez,”-dide ul.

 “Star” gazetı : "AQŞnıñ  F-35 belderüe: Törkiyä şirkätläre belän êşläwne däwam itäçäkbez”
Amerika Quşma ştatlarınıñ saqlanu ministrlığı Urtaq höcüm oçqıçı F-35neñ qayber öleşläre öçen 2022nçe yılğa qadär Törkiyä şirkätläre belän êşläwne däwam itäçägen belderde.  

 “Hürriyet” gazetı: "Ukrainalılar yal itärgä Törkiyägä kilde”
Törkiyä häm Ukraina arasında Kovid-19 çaraları qısasında tuqtatılğan oçışlarnıñ qabat başlawınnan soñ kiçä 189 turistnı utırtqan oçqıç Antaliyä aêroportına töşep utırdı. Alar “Törkiyäne bik sağınğan idek, sälam Törkiyä” diyep termal’ kameralardan ütte.