Törek matbuğatına küzätü 01.07.2020
1 nçe iyül' könne basılıp çıqqan qayber törek gazetlarına küzätü
”Star” gazetı “Çavuşoğlunnan Makronğa kisken reakśiya” isemle xӓbӓrendӓ Törkiyӓ tışqı êşlӓr ministrı Mӓvlüt Çavuşoğlunıň Vengriya tışqı êşlӓr hӓm tışqı sӓwdӓ ministrı Peter Sijarto belӓn ütkӓrgӓn urtaq matbuğat cıyılışında Franśiya ilbaşı Êmmanuel’ Makronnıň Liviya belӓn bӓyle açıqlawlarına reakśiya belderep,”Franśiya ilbaş tüntӓreleşçe Xafternı yaqlıy. Aňa qoral birmӓwen ӓytӓ. Ӓmma bu döres tügel. Aqçasın Abu - Dabi, qoralın Franśiya birӓ” dip ӓytüen citkerӓ.
”Xörriyӓt” gazetı” Dönyada barı tik 7 il citeşterӓ” isemle xӓbӓrendӓ Törkiyӓ ilbaşı urınbasarı Fuat Oktaynıň İnvestiśiya moxiten yaxşırtu koordinaśiya şurası cıyılışında “Dönyada barı tik 7 ildӓ êşlӓp çığarılğan , tamğaxanӓ qapqalarında qanunsız sӓwdӓne totqarlawda qullanılğan transport hӓm konteynerlarnı tikşerü sistemasın MİLTAR proyektı qısasında cirle hӓm milli bularaq êşlӓp çığara başladıq” digӓn süzlӓren citkerӓ.
”Vatan” gazetı ”Törkiyӓ diňgezlӓrdӓ küzlӓw başqaruda iň yuğarı dӓrӓcӓgӓ kütӓrelӓ” isemle xӓbӓrendӓ bıyıl wazıyfasına kereşӓçӓk “Ofıq” köymӓseneň Törkiyӓneň diňgezdӓn mӓğ’lümat cıyuda zur köçe bulaçağın xӓbӓr itӓ.
“Sabah” gazetınıň “Awrupalılarğa Törkiyӓdӓ yal itegez çaqıruı” isemle xӓbӓrennӓn kürengӓnçӓ, Törkiyӓ belӓn Germaniya arasında “hawa küpere” bulğan “SunExpres”nıň yuğarı dӓrӓcӓle citӓkçese Maks Kaunatzki Kovid -19 pandemiyӓse waqıtında Törkiyӓneň yal itü öçen iň yaraşlı , iň yaxşı cir buluın belderde.
”Yaňa Şafak” gazetı ”Törek uquçı fӓn bӓygesendӓ berençe buldı” isemle yazmasında Rusiyӓdӓ hӓr yıl ütkӓrelüçe Fӓn nigezlӓre bӓygesendӓ Törkiyӓneň 5 nçı sıynıf uquçısı Bӓgüm Tofannıň matematikada berençe bulıp altın medal’ yawlawın uquçıları belӓn urtaqlaşa. Uqıtuçıları uquçınıň küp şöğıl’lӓnüen hӓm analitik uylawğa zur ӓhӓmiyt birüen belderӓ.
