Törek mtbuğatına küzätü 23.06.2020

“Star” gazetı beldergänçä Törkiyä, Qatar, Angliya, Germaniya, Franŝiya, İtaliya, Yordaniya, Kuveyt, Marokko häm Niderland täqdim itkän Süriyädäge keşe xoquqları belän bäyle ölge BMOnıñ Keşe xoquqları Şurasında qabul itelde.

Gazet yazğança Şura ölgene 2 tiskäre, 18 bitaraf ham 27 uñay tawış belän qabul itte.

“Xäbär türk” basması citkergänçä Qazna häm finans ministrı Berat Albayrak qullanuçı ışanıç indeksınıñ iyun’ ayında 5,2%ka artuı belän bäyle bularaq: “Normal’läşü barışında dön’yadağı iqtisadlar belän çağıştırğanda iqtisadıbız tizräk tuparlana. İyun’ ayında qullanuçı ışanıç indeksında küzätelgän artış tuparlanunıñ uñay yünäleştä buluın kürsätä,” – dide.

“Xörriyät” gazetı yazğança Törkiyäneñ iñ zur saqlanu êksportı bulğan Paqıstan MİLGEM proyektına qarağan kritik xezmättäşlek kileşüe tözelde.

Xäbärdän kürengänçä Paqıstan Diñgez köçläre öçen citeştereläçäk MİLGEM korvetları Törkiyäneñ sänägäte häm injener buldıqlılığın kürsätüe cähatennän ähämiyätkä iyä.

“Sabah” basması beldergänçä Törkiyä saqlanu sänägätendä yasağan adımnarı belän bu ölkädä bar dön’yağa tanıldı.

Xäbärgä kürä Törkiyäneñ qorallı keşesez hawa apparatlarına taläp könnän-kön arta bara. Azärbaycan Törkiyädän hawa apparatlarnı alaçaqların citkerde.

“Yeni Şafak gazetı yazğança törek futbolçısı Merih Demiralnıñ sporttağı sälätennän qanäğat’ qalğan İtaliyaneñ Yuventus taqımı xäzer Germaniyaneñ Werder Bremen komandasında uynawçı yäş’ futbolçı Eren Dinkçigä küz saldı.

Xäbärdän kürengänçä Yuventus inde küptännän 18 yäşendäge uyınçını küzätep bara. İtaliyan taqımı futbolçını satıp alu opŝiyale arendalaw täqdimen yasadı.