Törek matbuğatına küzätü 17.06.2020

“Xörriyät” gazetı: “Ärdoğan belän Merkel Liviya mäs’äläsendä kileşte”

İlbaşı Räcäp Tayyip Ärdoğan Germaniya Kanślerı Angela Merkel belän telefonnan söyläşte. Söyläşü waqıtında Könçığış Urta diñgezdäge häm Liviyadağı soñğı wazğiyät, yaña tör koronavirus (Kovid-19) belän köräş, kizüdän soñğı çorda yasala alınaçaq adımnar häm ike yaqlı mönäsäbätlär quzğatıldı. Ärdoğan häm Merkel Liviyada säyäsi çişeleş öçen Berläşkän Millätlär Oyışması barışınıñ köçäytelüe mäs’äläsendä urtaq fikergä kilde.

“Xäbär Türk” gazetı: “Törkiyä tüläwsez däwalaw xezmäten täq’dim itüçe siräk illärdän”

Kazna häm finans ministrı Bärat Albayraq Törkiyäneñ buşlay däwalaw mömkinlegen täq’dim itüçe siräk illärdän berse buluına iğ’tibarnı yünältte. Ministr Albayrak “Twitter”dan yasağan açıqlawında: “Nıq iq’tisadi qorılışıbız näticäsendä böten watandaşlarına tüläwsez däwalanu mömkinlegen birüçe siräk illärdän berse bez. Här ölkädä şartsız bularaq milläteneñ yanında bulğan citäkçelek añlayışın daimi räweştä başqaraçaqbız”, - dip äytte.

“Yäni Şafak” gazetı: “Cirle daru êşçänlege tiz däwam itä”

Sänäğät’ häm texnologiya ministrı Mustafa Varank “Kovid-19”ğa qarşı cirle darunı qamilläşterü proyektı qısalarında Änkara universitetındağı laboratoriyälärdä alıp barıluçu êşçänlekne urınında qaradı. Ministr Varank daru proyektı qısalarında xayvan sınawları êtabına uzıluın açıqladı. Varank klinik êtapqa küçkännän soñ êşçänlekneñ tämamlanıp, Sälamätlek saqlaw ministrlığına tapşırılaçağın belderde.

“Sabah” gazetı: “Kovid-19 diagnostika caylanmasında dönyada berençe”

Sänäğät’ häm texnologiya ministrı urınbasarı Hasan Büyükdädä vakśinada tradiśion ısullar belän ber rättän hiçber il sınap qaramağan yaña texnologiyalarnı sınawların belderde. “Bez qamilläştergän yuğarı antitänçekle plazmanı xasta däwalanuında qullanabız,” – dip äytüçe Büyükdärä diagnostika komplektında nano-texnologiyanı nigez itep alğan häm dönyada täwge bulaçaq yaña êşlänmäne qamilläşterergä tırışuların äytte.

“Watan” gazetı: ““Onur Air” säfärlärgä başlıy”

Koronavirus arqasında oçıçlarnı tuqtatıp torırğa mäcbür bulğan “Onur Air” hawa yulı şirkäte 26nçı iyün könne êçke liniyälärdä, 15nçe iyül’dä dä xalıqara säfärlärenä başlayaçağın açıqladı. Şirkättän yasalğan belderüdä biletlärneñ satıla başlawı citkerelde.